【辭職學問】Last Day唔派散水餅被老前輩問候：係咪聽日會補派？

Last Day要派散水餅似乎是一個約定俗成的傳統，不過其實很多新一代都不太喜歡這個傳統，因為很多時辭職都是因為不滿公司的人和事，可是還要上演好來好去的戲碼，明明大家都知道是違心的演出，可是還是覺得這是辭職必有的禮儀，實在令人無奈。

所以，有很多人都開始不派散水餅，反正都最後一日了，就不必再理會大家的感受了嗎？有網民在社交平台專頁「奴工處」上投稿分享，指：「Last Day冇派散餅，個old seafood問我，聽日係咪會上嚟補派？」

不知道老前輩是說笑還是認真，不過大家看到如果回應，不禁無名火起……

即睇網民回應：﹙按圖了解﹚

+10

網民：「有冇咁想食？」

網民：「同佢講，個個走，個個都派餅，冇嚟新意！」

網民：「走先啦~係咁先啦~下次再玩啦~有下次嘅話！」

網民：「睇監獄片有教，走咗唔好擰返轉頭呀，唔好意頭。咁你估我會唔會返轉頭派餅呀嗱？」

網民：「係，不過要新工收工後先嚟到，你唔好走住等吓。」

網民：「燒畀佢啦！前世未食過餅咁！」

網民：「都唔明點解有呢種文化，幾時先會完？」

網民：「未聽過補派！」

網民：「有啲咁嘅人，走先會開心！」

網民：「同佢講，而家科技咁發達，我聽日燒返畀你哋咪得囉！」

網民：「你答佢，係呀！記得等我！」

網民：「佢咁想食，咁你第日拎個伍仁或者嘉頓雜餅返嚟囉！」

網民：「直接答，唔會。」

唔啦！
該同事如此問出口也實在令人尷尬，但其實已經最後一天上班，事主大可以直接地說一句：「唔啦！」就算，簡單直接，說時加上微笑，有禮地表達，那尷尬的就變成他了。有網民都讚同，表示：「直接答，唔會。」

亦有網民指：「有啲咁嘅人，走先會開心！」這樣就證明了你離去的決定是正確的！說真的，散水餅是在於心意，如果真的對公司和同事都沒有感恩之情，無謂勉強自己去買散水餅，做自己不喜歡的事。你派過的散水餅，你猜，有多少人記得？

【辭職學問】Last Day唔派散水餅 被老前輩問候：係咪聽日會補派？