網民意見：

網民Ａ：如果開到新公司offer同價或者升職，咁做生不如做熟。

網民B：香港地換公司多數升職加薪，淨返就係健康、時間、家庭、搬屋……

網民C：唔使講咁多，至少加到double人工先會考慮，返工唔係為錢唔通講義氣咩？

網民D：除非肯加錢，唔係千其唔好信老細話會畀機會你，有就一早畀左啦，唔使等你辭嗰日先講！

網民E：我辭職嗰時話返工地點太遠，成日塞車，佢話最多幫我同HR爭取flexible working hour，但最後都係走咗。

網民F：唯有好同事先會令我想留低，之前有份工大家close到好似家人咁，無奈老闆移民遣散晒所有同事。

網民G：我同老闆講明因為同太子仔唔啱傾，公司有佢無我，結果佢竟然掟咗太子仔返加拿大，所以我就留低lu～

網民H：其實辭職同分手一樣，你根本個人已經想走，咩挽留條件都好，都只係令自己justify到個決定。

網民I：我話為錢走同壓力大，佢加到多過我出面offer，同埋調咗我去一條無咁大壓力嘅team。最後我應承咗，唔劈炮都唔知自己原來都有啲價值。

網民J：試過新公司加6x%人工，舊公司management話可以加到差唔多，咁做生不如做熟，呢邊又升得快啲，就留低咗。

網民K：香港老闆加完你人工，一定加返幾倍工作量，唔走真係戇居！