事主：「嬲！我真係唔明呢個文化！走咪走辭職咪辭職囉，關我咩事，又要每人夾送禮物farewell。你辭職，我恭喜你吖！但我仲要留喺度做，我要搵食要養家，在職貧窮。」

「大大張夾錢紙寫喺茶水間，數住邊個無蓋印無夾錢。唉，搵搵埋埋啲錢就係咁先，真傷心，呢個月又要行路返工。多謝你哋呢啲咁嘅人囉，辭職咪辭職，下下都要收禮物？」

網民意見：
網民Ａ：咩公司咁戇居，要調返轉同事送禮物畀Resigner……

網民Ｂ：走嗰個派散水餅就多，如果同事關係好咪最多請餐飯，邊個會送禮。

網民Ｃ：建議你加多張紙，寫著「如果本人farewell唔使要禮物，所以唔會夾錢」。

網民Ｄ：其實好少事啫，斷估唔會夾好貴，大家好來好去，可能之後有機會喺另一間公司又撞返呢，學吓人情世故啦。

網民Ｅ：九成係啲大粒嘢離職，然後有啲刷鞋仔就提議夾錢送禮物，錢就大家出，彩就佢攞。

網民Ｆ：一蚊都唔好夾，你面皮夠厚唔尷尬，尷尬就係人哋！

網民Ｇ：真心，一百幾十蚊都夾唔起嘅話，你要好好檢討自己。大家同事都係搵咁多，點解人哋得，你唔得？