Advertisement
許多企業在招聘人才時也會設立一些測試，以確保新員工的工作能力符合公司要求，而當中以筆試最為最普遍。對於許多求職者來說，見工面試過程過分冗長是求職過程中較為討厭的事，因為付出的努力和時間未必獲得滿意回應，而相關努力最終只付諸流水。最近，有名打工仔到社交媒體專業「奴工處」吐苦水，表示自己見工期間要完成一份需時3小時的筆試，但怎料面試官只看兩眼就算，感到十分不尊重。
延伸閱讀：【見工奇遇記】數人同場面試但唔係見同一個位 事主：老闆遲兩個鐘做場鬧劇
即睇事主分享及網民回應：（按圖了解）
事主：有次面試做筆試，做咗我成3粒鐘，最後佢竟然喺我面前睇咗兩眼就算。
事主：佢講咗幾句就擺埋一邊，其實可唔可以唔好浪費人時間呢？
事主：有時見工真係比返工更累！
網民A：3粒鐘應該走人，咪做壞規矩。咁嘅公司，請咗都係中伏。
網民B：講真，間公司連見工都咁擺高姿態，入到去做都唔方好得去邊。
網民C：未請人就要人做3個鐘試驗？簡直笑話！
網民C：我試過見工最長見咗五個鐘，一點鐘去，見工見到同佢哋收工一齊走。
網民D：不如你反問HR，去按摩可唔可以先免試鐘3粒鐘唔畀錢？
網民E：試過筆試要作文，問題紙問化學反應、迪士尼、格林童話，但我只係見普通office工，而個間係寵物食品公司……
網民F：我之前只係見份普通文員，地點只係啲工廠大廈，唔係中環尖沙咀，去到畀份試卷我填，好多行橫線，仲要開埋部notebook測IQ題……
網民F：做咗我個幾鐘已經覺得伏，最後中途離場，簡直嘥人時間！
網民G：我試過更衰！見senior grade，HR畀份entry grade試卷我做，我已經即時同佢講有問題，但佢竟然死撐。
網民H：請個文員都要知道佢識唔識用EXCEL/WORD啦，接受到1粒鐘內完成，但做3個鐘就真係會想打人！
網民I：我早排見工都見咗四粒鐘，但只係見個實驗室intern……
網民J：同愛情一樣，付出唔等於有收穫。
測試模式應合理 過長會或致求職者不滿
雖然坊間求職者質素參差，有網民認同測試「可以篩走一堆語無倫次或者基本要求都做唔到嘅人」，但不少留言也提及一些企業的測試與工作性質無關。一名網民提及自己的求職經驗，指：「試過筆試，電腦試同IQ題都做埋！」
此外，見工時間長度也為求職者關注的重點，不少人認為過長的測試與面試會降低入職意欲。有網民表示，「如果個筆試做30分鐘內可以，但要1個鐘以上我真係接受唔到」，認為極度浪費我時間。另有網民指自己求職期間，某次筆試「橫跨埋lunch time（午飯時間）」，老闆再其後邀請第二輪面試，怎料開宗明義「話畀唔到我想要嘅人工」，直言「嬲到癲」。
企業設定見工面試時，應該好好管理求職者期望，時間長度應要合理，以免浪費雙方時間。
