Advertisement
香港打工仔大多都要加班，OT文化差不多成了不明文的規定。但當你以為大家都不喜歡OT時，有些心理有點問題的覺卻認為OT是勤力的代表，更喜歡與同事們鬥遲走，更為爭OT冠亞季軍而自豪⋯⋯這其實有點可悲，因為可能他們可能是生活就只餘下工作的可憐人。
讀者Lily（化名）投稿，指她的上司Eugenia是一個加班狂，「佢日日都早半個鐘返到公司，然後放工又OT起碼一個鐘先走。成日用炫耀嘅語氣我同哋講，噚晚佢同IT定係Marketing嘅同事邊個最遲走，邊個拎OT冠亞季⋯⋯其實我哋真係唔想知。完全唔知佢係想求讚賞定係覺得我哋唔OT就唔啱，所以真係唔想理佢，呢啲人可能冇家庭溫暖先唔想返屋企。」
Advertisement
延伸閲讀：【醫護熱話】前線護士自白 見好多病人病死凍死 好多同事情緒病都要照返工⋯
相類似的情況總是不停上演，而有網民在社交平台專頁「奴工處」上投稿，與該讀者的事件相約，道：「真心唔明做完晒嘢鬥遲走係咩玩法！你自己鍾意玩就算啦，我夠鐘走，你都仲要大大聲問我做乜咁早走！戇居嘅！做完嘢咪走囉，問問問！」
其實放工時間就放工走人，有甚麼問題呢？這是準時走，並不是早走。也難怪事主會如此嬲怒。除了上述兩位事主外，其實很多網民都有遇過相同問題⋯⋯
即睇網民回應：（按圖了解）
網民：「敵不動我不動。」
網民：「咁咪算好，我遇過係，日日蛇足三四個鐘，然後一過五點坐低扮工。」
網民：「串返佢囉：『我工作效率高，手頭嘅嘢做晒咪收工囉，你手腳慢就慢慢OT啦！』」
網民：「我有屋企人嘛， 你冇唔代表我冇！」
網民：「上面唔會覺得遲走係做到嘢㗎喎！」
網民：「我老細一走我就走，通常早半個鐘就收工。」
網民：「你要令到你老細覺得遲走嘅人，係因為工作效率低、磨時間、嘥電費，而你早走過佢哋係因為效率高同轉數快。」
網民：「我好耐之前做過一間公司，啲人返工咁耐唔係點做，係臨放工先開始做。」
網民：「真係壞風氣嚟，佢哋認為越遲走代表越勤力。」
網民：「工作時間就工作，放工時間咪放工，合約有寫㗎，呢啲唔係叫早走！」
網民：「可以大大聲問佢：點解仲未做完嘢？」
網民：「你答佢返屋企沖涼換衫再返嚟做。」
放工走人不是錯
有網民指：「你要令到你老細覺得遲走嘅人，係因為工作效率低、磨時間、嘥電費，而你早走過佢哋係因為效率高同轉數快。」亦有網民覺得事主可以回應道：「我工作效率高，手頭嘅嘢做晒咪收工囉，你手腳慢就慢慢OT啦！」
其實放工便走並沒有錯，所以不要讓這些人影響自己，千萬不要覺得自己不留下來OT是錯的，不要良心責備自己。要知道，他們才是思想不正確的一方，你要知道自己的生活不只有工作，有網民亦指出：「我有屋企人嘛， 你冇唔代表我冇！」盡能力去平衡生活與工作才是正確的選擇，別助長這OT文化。
延伸閲讀：【醫護熱話】前線護士自白 見好多病人病死凍死 好多同事情緒病都要照返工⋯
延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！
隨時隨地查看職位空缺、獲取職場新聞以及工作邀請。
