Advertisement
入職、工作、離職是絕大部打工仔的必經之路，離職不外乎是有更好待遇或職業前景，當然還有其他個人原因。轉職代表了要與上一間公司分手，究竟各位在那時有沒有製造一個好的下台階呢？上司是否對你離開一事客客氣氣呢？最近，有打工仔到社交媒體專頁「奴工處」投稿，指辭職竟獲上司道歉，但不少網民卻指道歉未必是真誠？
即睇打工仔經歷及其他網民回應：（按圖了解）
事主：前日我last day，阿姐捉我入房，話好抱歉升唔到我職，公司埋沒咗我，希望我下間公司可以更順利，有乜需要可以搵佢。呢一刻，我覺得阿姐都算係咁……
網民：門面工夫，好來好去，少個敵人咁解，其實唔使太認真……
網民：好唔好睇佢平時點對你，如果最尾先咁，扮嘢居多！
網民：係咪真誠就睇有無寫靚張離職證明畀你先，無既話就講多都嘥氣！You are too young, kid!
網民：客套話不要認真，你升唔到其實就係阿姐唔睇你唔覺得你做得嘢。
網民：暗中可能就係呢個阿姐搞到你升唔到……佢見你走得郁，驚山水有相逢啫！個人經驗試過in人in咗我廿年前啱啱出嚟做嘢嗰陣嘅上司，但佢已唔認得我。
網民：公式說話，講好聽啲搏你散水餅買靚啲。假如第日你真係有事搵佢幫，隨時block鬼你。
網民：咁客氣無非係想你走後有嘢問你時你答！
網民：呢啲呀姐識做人！
網民：其實個個走嗰陣都係咁講啦……
網民：出嚟做事，不用太多感情。
網民：山水有相逢，係出嚟做嘢要明白嘅道理！
網民：一向就算邊個唔著都好啦，最後大家落到台，好來好去，咪算囉！
網民：我都試過之前公司遣散，阿姐遞信畀我，講到眼淚都流埋，是真是假都好啦！起碼佢有做嘢，今日留一線，日後好相見！
網民：一場戲，大家好好睇睇做埋去，好聚好散！
誠意應著眼於行動？ 網民：離開前有下台階已經好好
上司在事主離職前道歉，相信是眾打工仔難以想像的畫面，但不少網民卻指出這道歉就如「祝前程錦繡」等客套說話一樣，意思與「得閒飲茶」無異，勸籲事主不應該太過認真。許多網民認為口講無憑，行動比較實際，顯示誠意要有行動證明，提醒事主要留意往後的離職證明是否寫得好，如非，即是道歉如廢話。
縱使不少網民認為，阿姐往後未必有實際行動協助事主，甚至可能只是講一套做一套，但仍有一定數量的留言覺得客套話總好過不和諧的分手，「有下台階已經好好」。有留言稱讚事主阿姐懂得做人的道理，因為山水有相逢，多一個朋友總比多一個敵人為好。
當然，離職者也應該在舊公司留下良好的形象，以免離開後依然招人閒話。記緊以下的Do’s and Don’ts，讓你妥善地離職！（按圖了解）
延伸閱讀：【辭職學問】辭職應唔應該講真正原因？定係話私人理由？
延伸閱讀：【職場熱話】辭職時被上司挽留：諗吓呢幾年公司同我點對你？
延伸閱讀：【職場熱話】遞信時上司的反應 由平靜到激動 甚至動之以情？
