00後事主：「你哋會點面對啲大你10年，但又同你同Grade嘅同事？我啱啱轉工做文員，坐我隔離個同事原來大我10年都30歲，但都係同我同級。佢幾多人工就唔知，但公司好孤寒每年都係加得二三百，我諗佢都唔會高我好多。我係啱啱出嚟做嘢嘅新鮮人，見到佢都會諗『究竟你過去10年做咗咩？』點解會同個啱啱起步嘅後生仔企係相同嘅起跑線⋯⋯」

網民意見：

網民A：小朋友太天真，真係以為同grade大家一樣人工？！

網民B：你要習慣下，唔再係6歲升小學，12歲升中學果種concept㗎啦，會畀人笑㗎！

網民C：學識尊重任何人，同唔好咁八卦，係你喺職場上學嘅第一課。

網民D：人哋可能有幾間舖收緊租，打工只係過日晨準時收工。

網民E：說真的，大把人有樓收租財務自由，打份萬零蚊工當零用錢，唔使搏準時收工，又唔怕比人炒。

網民F：大你10年，唔代表已經做咗10年喎。好多人都係中途轉行，然後由低開始，每個人條路都唔同。

網民G：每個人嘅起步點都唔同，每個人都有佢嘅過去，大家都係付出努力去賺取人工啫！

網民H：10年嚟佢可能試咗好多嘢，創業、打工、working holiday、進修，唔好睇少身邊每一個人。

網民I：即係你嘅10年後咪都係咁囉，面對現實未？

網民J：同職位不等於有相同嘅能力，希望十年後嘅你對得住你今日嘅無禮同傲慢，加油不要讓自己後悔。