【職場英語】同事英文嚇死人？「To who it may concert」都寫得出？

中英文似乎是日常工作必備的語言，而在平時電郵溝通上，如果犯上一些不小心的錯誤，可能會造成笑話，對你的個人印象亦會大減。你或你身邊的同事犯過甚麼令人發笑的錯嗎？

延伸閲讀：【職場文化】小編大呻幾時開始要一手包辦所有事 網民：自從冇人尊重文字開始

有網民在社交平台專頁「扮工室Online」上發文分享，指有公司員工的英文水平真的令人冒汗……「依家啲公司請Marketing唔使做英文Written Test？有間公司email嚟開頭寫：『To who it may concert』……」有網民笑指，是否指「致有意開演唱會的人收」？對內部的文件犯錯，最多予同事取笑，但對外的文件犯上如此錯誤，卻可能會影響公司的形象……

有網民更因此而分享了自己見過，最令人無語的英文錯誤，大家又有甚麼例子呢？

即睇網民回應：﹙按圖了解﹚

+9

+8

網民：「我美國公司請咗個temp，答個客11月12月中會寄啲嘢過去美國，佢寫咗『by mid of eleven，twleve』 我都唔知HR點in佢入嚟……」

網民：「多年前我見過go ahead寫成go a hand、reply me 寫成replay me。重點封嘢用我名出，我無諗過佢咁都唔識畀佢直出，所以自己都要負責任嘅。」

網民：「我叫Emily，有啲人send email畀我，會唔小心寫咗『Dear Email』……」

網民：「睇唔明會打電話㗎啦，而家中資公司用英文，英資公司用中文。」

網民：「唔明事小，出醜事大，人哋會覺得你間公司咁求其。」

網民：「我收個 HR 信叫我去見工，上款寫 Dear You 呀！」

網民：「佢啲英文係咪體育老師教㗎？」

網民：「I go to school by bus.」

網民：「Typo 啫。」

網民：「呢度啲留言都幾好笑。Typo？個 t 鍵同 n 鍵都隔好遠吓喎。」

網民：「冇咩人識得用whom㗎啦。」

網民：「今時今日仲使識英文？一個google translate 搞掂啦！」

To whom it may concern點用？
其實「To whom it may concern」應該要怎樣使用才對呢？於正式的郵件、書信、通告中，如不能確定具體收件人的身份或姓名，我們就可以使用 「To whom it may concern」作為開頭，即中文的「敬啟者」、 「致有關人士」意思。如果一位客人想向一間公司寫投訴信，就可以用 「To whom it may concern」 來稱呼售後服務部門的工作人員。而在正式信函中，「To Whom It May Concern」中的每個單字的首字母往往會大寫。

如果對自己的英文沒有太大信心，在寫作email等正式的文件時，不妨先上網看看template，檢查清楚英文用字，才正式send出去吧！

延伸閲讀：【職場文化】小編大呻幾時開始要一手包辦所有事 網民：自從冇人尊重文字開始

+13

+12

延伸閲讀：【職場熱話】網民齊數公司奇怪規矩 口罩只可用某顏色、唔畀一齊食lunch

延伸閲讀：【職場兩性】男友呻工作不快 女友唔識點回應 網民教三大招數！

延伸閲讀：【在家工作】網民笑說WFH後遺症 放工有嘢未做完都想帶返屋企做！