香港打工仔加班成常態，將近農曆七月十四日盂蘭節，深夜的辦公室會否特別與平時有點不一樣？有沒有總覺得有甚麼在自己附近……

延伸閱讀：【Office有鬼】餐廳近收鋪有客人借廁所 侍應：我畀佢去，之後……

撰文：霍芷晴

當會計師的KK，每逢年尾都忙得不可開交，每晚都得加班到深夜兩三點才可以拖着疲累的身軀收工，他坦言其實每次凌晨12點後，自己已經不太在狀態，有點像行屍走肉一樣。而那次恐怖的經歷，正正就發生在這個時段和正值這個糟糕的狀態⋯⋯

KK表示：「記得嗰次大約係凌晨1am，留低OT嘅人其實唔多，大家都打算收工，於是我就諗住臨走前去個廁所。」

有雙皮鞋⋯⋯

上完廁所後，正在洗手的KK，由鏡中的反映看到其中一格廁格下方有一雙皮鞋，他不以為意， 「本身以為只係其中一個同事開大﹐但再細心一睇，又覺得嗰對腳企到好前，都唔似喺坐喺廁所度，而係企到好近度門。咁我以為佢可能去完廁所，要打開廁格門啦，點知當我視線掃向上，我見到廁格門頂嗰條罅，有對眼望住我！」

「因為我偷望人在先，所以當下即刻覺得唔好意思，快啲洗完手就， 手都未抹乾就急步走返出去。」

高大同事？

然而，在行回自己座位的途中，KK定下神來回想，公司哪有如此高大到廁格頂都可以看到眼睛的同事？那根本不是正常人的高度吧？KK愈想就愈覺得雞皮疙瘩，自己剛剛究竟看到了甚麼⋯⋯

直到其他同事喚他，他才回過神來，「佢哋話我去廁所去得耐，專登等埋我，然後先熄燈鎖門。我話，好似仲有同事喺廁所，但佢哋一臉疑惑，話得返我一個未出嚟⋯⋯」

KK指雖不肯定是否自己有點頭昏腦脹才會看錯，但自此之後，他寧願多上一層或落一層，都不會再去那層的廁所。

延伸閱讀：【Office有鬼】消防員拯救被困升降機的男人 開門時得返一把……

延伸閱讀：【Office有鬼】記者深夜錄音 覺得畀人盯住 仲愈貼愈近⋯⋯ 職場新聞 趣聞 / 熱話

延伸閱讀：【Office有鬼】中環某大廈鬧鬼？都市傳說︰走廊有「無頭鬼」

 

CTgoodjobs 推出全港首創 WhatsApp 搵工平台「搵工快」，八大行業 2,000+ 前線、兼職空缺等緊你！