Advertisement
一個工作小組中，每個員工的工作能力都不同，即使大家的職位與薪金一樣或相約，上司都會按各人的工作能力來分配工作。如此情況下，工作能力高的員工，豈不就很蝕底？而上司往往就只會用「能者多勞」來安慰你，你又是否受落呢？
延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統
有網民在社交平台專頁「奴工處」上投稿分享，指：「能者多勞，難聽過粗口，係懶人推責任嘅一個藉口，有冇人認同？」相信不少打工仔都含淚認同吧？這安慰人的說話，其實只是美化包裝了的藉口，可是，工係要達到公平，又真的比較困難⋯⋯
Advertisement
即睇網民回應：（按圖了解）
-係恰人！
-通常我會加多句：「咁使唔使洗埋屎坑呀？」
-只有「能者過勞」或者能者多「奴」！
-我上司仲毒：「啲同事唔做，咪你做埋佢。」佢仲有句：「人哋要5個人做，你1個人就做到，唔覺得好有成功感。」
-出埋同事份糧咪我做，有5份糧先有成功感。
-老闆金句：「你應該感恩，當學多啲嘢，OT就唔好計，以家學嘢。你應該係睇未來，唔好睇眼前利益。」
-係情緒勒索。
-老細：「能者多勞。」 我：「勞氣個勞吖嘛！」
-仲有呢兩句，你做得好嘅：「上次你做得好，今次都交畀你放心啲！」你唔識做或未做過嘅：「畀機會你學嘢！」
-好叻呀！一個打10個！若果做保險你賺得多過人好多！
-呢四個字真係呃咗我成20年！
-咁幾時可以多勞多得？
-最憎就係聽到呢句說話囉！曾經有個所謂嘅上司同我講呢句嘢，我答佢能者多勞嘅首要條件係必須跟埋多勞多得先囉唔該！
願意蝕底 但要識得say NO！
雖然大家都覺得「能者多勞」是藉口、是廢話，但其實工作上不怕蝕底，可以令大家增取到更多的機會。證明自己的能力之餘，建立自己的個人品牌亦是在職場上重要的一環。
可是，要在肯蝕底與拒絕之間拿捏得宜，有時超過了自己的能力範圍或意識到自己的工作壓力已因過量的工作而面臨爆破，就要懂得拒絕及表達自己，學識say No！這才可以令自己有平衡生活與工作，兼顧身心靈健康，加油！
延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……
