事主：「呢排聽表妹返咗份新工，聽完佢嘅經歷真係嚇死我！佢係返sales，平時會喺個倉執貨。 」

事主：「但係個倉要佢哋徒手爬上去牆上面，有好多貨架咁樣。 」 

事主：「爬到最高個貨架，距離地面有接近三米！同時係冇任何保護措施！  」

事主：「佢哋平時要喺三米高嘅貨架拎住啲鞋盒，再慢慢落返嚟，係唔係痴線？ 」

網民：「其實sales好多都係咁，但可以有咩保護措施？畀埋條安全帶你？」

網民：「去得大型鞋鋪就係咁，試過自己一個返，個倉大到要行成分鐘要行得完 ，然後出面啲人call，係咁話要乜乜乜，無諗過得你一個要爬高爬低。」

網民：「係咪得我一個諗緊點徒手爬牆？spiderman？定有梯？」

網民：「佢係貨架，然後會有少少位畀你隻腳踩，好似攀石咁，但係就冇任何安全措施，然後有啲位左右都有貨架，等你可以左右左右咁踩上去。但有啲係爬牆，就真係好似要攀石咁。」

網民：「我以前返sales嗰時都係咁，其實唔係無梯，但係忙起上嚟無人得閒慢慢搬條梯過去再爬，直接踩櫃爬上去係最快，每次都驚自己跌死！但係呢個行業常態，都無乜得變。」

網民：「30幾樓外牆，爬爬吓，隔離師傅仲跌咗頂帽落去十幾樓。」