事主：「身邊有啲朋友搵工嘅原因好單純，聽過覺得奇怪嘅有：」

事主：「1）純粹鐘意著老西，所以去做銀行。 」

事主：「2）純粹鐘意著OL裝，所以去做秘書。 」

事主：「3）純粹鐘意條頭巾，所以去做日本壽司店嘅waiter。 」

事主：「乜公司嘅制服真係可以吸引到你去做呢份職業！？ 我覺得無乜所謂，都係睇興趣同前景。」

網民：「咁我都有啲朋友覺得某間航空公司嘅制服靚，而專登去考嘅。」

網民：「鍾意制服，其實可能係方便，唔使諗着咩衫返工。」

網民：「有啲管理員、看更都着西裝，問佢有冇打算？」

網民：「我以前都會有咁嘅諗法，但依家諗返其實好傻仔，第一，西裝真係要身形唔差，唔太瘦，唔太肥著先好睇，太瘦著顯得好骨杉杉，太肥都唔好睇；第二，咁珠寶店門口企嘅人都係著西裝啦，咁唔去做？第三，每日要換就會覺得好煩，又熱。」

網民：「其實要係鍾意，放假都著老西都可以，使咩一定返工先着？」

網民：「返工唔着得波鞋，隻腳好攰。」

網民：「我鍾意T恤拖鞋，所以自己做老闆。」

網民：「做過銀行intern，想講如果可以，我寧願着短袖Tee、短褲、下面踢拖，夏天老西熱到抽筋……」