Advertisement
打工仔，究竟有甚麼動力驅使你上班，是愛還是責任？是窮啊！正所謂「有頭髮邊個想做癩痢」，要不是生活逼人，有誰想上班！每天幾經辛苦才從睡床中醒過來，之後又要與路面情況搏鬥。各位認為在通勤的時候，最絕望、最痛苦的是什麼事？
延伸閱讀：【網絡熱話】Annual Review打工仔同HR開心見誠被賣豬仔 網民：點解你會信佢
在討論區有打工仔分享，讓他在早上上班，感到最絕望的時刻，就是在東鐵線等車，即將遲到之際看到接下來的3班車都是九卡車，後悔自己當初不直接坐巴士上班。其他網民亦都分享對他們來說，上班時最絕望的一瞬間。
點擊即看更多網民分享：
網民留言︰
A/ 有身型較大嘅乘客坐我隔離
B/ 最絕望嘅係車要開，但多人到上唔到，之後幾分鐘無車不特止，港鐵仲要宣布系統出問題，十幾二十分鐘內都無車
C/ 一開眼知道要返工嗰一刻
D/ 其實「就嚟遲到」，搞到自己咁絕望都係你一手造成，我每朝同樣時間都見到同一個人跑去地鐵站，每朝都係同樣嗰幾個人衝去搭電梯，既然每朝都咁「準時」地遲到，不如早少少，咁就可以更輕鬆地準時
E/ 我有同事住康城，佢話明明睇住個App話港鐵站幾分鐘後有車，點知去到站，就見到一班人等入閘、排隊，排到差不多到佢入閘，前面個女人就「嘟」極都「嘟」唔到張八達通，最後同事落到月台睇住架車開走，最後又等十幾分鐘！
F/ 最慘係睜開眼已經八點半
G/ 朝早返工最絕望係知道今日要返工
H/ 坐巴士遇上塞車先最絕望，基本上無論幾準時起身，只要係長途車，就一定遇上交通意外導致路面塞車，呢個係機率問題，日日坐巴士返工嘅人，一年總會遇上幾次因為咁而遲到。
I/ 最絕望就係知道收工之後，瞓醒又要返工，但賺到嘅錢好少。
J/ 有咩咁絕望，遲到我係唔會理上司點睇
K/ 喺總站等架特別路線嘅車，點知delay咗成十五分鐘都仲係未見有車，喺度掙扎好唔好再轉車搭港鐵，但最後照上巴士之後又塞車
L/ 車箱中間有位入，但啲人都企門口做「門神」，搞到上唔到車
M/ 最絕望嘅係要過最少9個鐘先可以放工
N/ 最絕望係去到搭車，唔記得帶銀包、無錢，又要行返屋企拎，實遲到
延伸閱讀：【網絡熱話】打工仔派旺旺仙貝做散水餅 網民：OK啦 我仲收過OOOO
雖然每天早上起床上班，是一件令人心累的事。即使提早出門，都可能遇上意外導致遲到，但這又不是你的錯，沒有必要令自己過於焦急。既然無法逃避，我們就嘗試用一個比較豁達的心態去面對吧。
每日上班都靈魂出竅？想要提升自己的工作效率，可以考慮將以下5件物件放在你的桌面。
延伸閱讀︰【職場辛酸】公司每逢過年都會派花紅 部門上司怒斥打工仔：你有咩資格拎？
延伸閱讀︰【升職加薪】Z世代打工仔升職無望？全因為唔識點同同事溝通？
最新專訪片︰
【SHE Says】打破職業性別刻板印象 平衡領袖、媽媽身分 滙豐香港首席資訊科技總監Charlotte：我有克服所有困難的自信
