事主：「話說個日星期五嚟，我收咗工就同同事去咗諾士佛台度飲酒。」

事主：「咁我當個日飲到醉醉哋，但又未到斷片，只係知自己行唔到直線。」

事主：「咁我飲到咁上下，就自己上的士走啦，咁嗰時大約兩三點，咁上完車，」

事主：「個的士司機就問我：『兩位先生去邊啊？』我心諗，唔係掛大佬，玩埋呢啲咁嘅嘢？！」 

事主：「咁我咪照答話我要返屋企囉，之後到咗，我就準備畀錢，咁畀完錢，」

事主：「個的士司機找我錢嗰陣，先扭個頭過嚟，之後話：『嘩，原來得一位咩？我仲以為係兩位！』」

事主：「我即刻講：『係囉，司機大佬，我一上車你就問我兩位去邊，畀你嚇死，我都唔敢追問啦！』」 

事主：「之後我落咗車，喺我行緊個幾步返屋企嗰陣，我都有擰轉頭望吓架的士。」

事主：「但我係個的士背面望入去嗰陣，又比我望到有個黑影坐咗喺後面……」

事主：「到底成程的士個堆黑影係咪都喺我隔離，到我落車就匿埋咗？

事主：「嗰陣個人原本有少少醉都即刻醒返！」