Advertisement
每日朝九晚六上班，下班後乘車、吃晚飯、看電視、玩電話、睡覺，然後又起床準備上班……日日如是，人生猶如停滯不前。香港人工作不時加班，回家路程動輒一小時，每日私人時間只得四、五個小時左右，究竟有限時間裡面可以做甚麼呢？最近，「香港討論區」有網民發文，詢問各位打工仔除了吃飯、洗澡外的活動，隨即有不少網民留言。
延伸閱讀：【職場健康】諗起返工就驚？英國調查：近半數員工壓力過大
放工後可以做甚麼？即睇網民回應：（按圖了解）
發文者：返九放六嘅師兄們，計埋返工放工來回兩個鐘車程，其實私人時間真係唔係得返好多，大家臨瞓前除咗食飯同沖涼之外，仲夠時間做啲乜？
娛樂項目
網民：睇電視……
網民：睇一個節目都夠鐘瞓了！
網民：上討論區吹水。
網民：睇下YouTube，綜藝，玩手機。
網民：打馬吊。
做家務
網民：隔日拖地同洗衫。
網民：洗碗、洗衫、晾衫、吸塵……
做運動
網民：做一個鐘運動。
網民：7點起身健身，或跑45分鐘步。
網民：打羽毛球
網民：跑步
網民：做GYM
自我增值
網民：睇美股。
網民：學外語。
網民：睇半個鐘書。
上班後無人生？網民點講：（按圖了解）
網民：返工，放工，食飯，沖涼，瞓覺，無限巡迴。
網民：朝九晚六？大把人朝八晚六仲要未計無理被迫嘅加班，或扮晒野嘅加班吖！仲有一班人覺得唔加班係罪大惡極一樣！
網民：以前朝九晚六嘅我係可以去打機、跑步，但而家我放工返屋企只想食飯瞓覺。
網民：日日返工，放工上網，起身返工。想轉行唔知做咩好，人工少一截。想進修，唔知讀咩有前途，同埋返緊工都無時間。人生就係過得一日得一日。似喪屍咁。
網民：最好公司同屋企距離近
工時長、交通時間長已是香港人生活的寫照，有網民直言感到「人生已完」，因為「食完晚飯已經夜晚八點，處理下私人嘢，陪下家人就要瞓」。有網民指出，如果「返工夠近」，就可以「多咗私人時間」。
雖說不少企業在疫情緩和後考慮長期採用混合工作模式，但仍有為數不少的公司已經恢復五天辦公室生活，有網民認為居住在偏遠地區的打工仔可以「買個高流量plan」，讓乏味的歸途中，也可以在「交通工具上煲劇」。
延伸閱讀：【職場熱話】放工時間最絕望一刻！打工仔分享返到屋企嘅慘事 網民：收到老闆急call…
