事主分享：公屋首抽到樂華南邨，有啲唔上唔落嘅感覺，覺得佢優點缺點都有，但因為係首抽，所以好難做決定。其實樂華南邨唔差，要咩有咩，係有啲舊，同埋要轉一程小巴上山，如果遲啲派到四順，興華、安達嗰啲仲慘。但其實仲有二抽、三抽，我係咪應該搏吓呢，有機會可以派到更好嘅。真係好難揀，我揀咗成個星期都未決定好。

網民回應：

A/有機會可以抽到更好，咪即係代表有機會抽到更壞嘅。二抽邊條邨可能會派到畀你，你應諗清楚，除咗四順嗰啲唔太好嘅選擇，會唔會有可能派到啲條件更好嘅屋邨？抽到好定壞嘅機率邊個高啲？交通嘢就習慣嚟，睇你喺邊度返工，生活圈咪邊度，如果一定無可能抽到近地鐵站嘅，咁你點都要轉車或者捱巴士

B/住公屋都有要求，不如畀半山你住，起埋鐵路上蓋畀你好唔好

C/搏一次囉，其實Long Term都係綠表居屋啦

D/如果你係個性格容易後悔、怕畀屋企人埋怨，或者係好驚會做錯決定嘅人，不如你都係要咗樂華南邨佢啦，你唔二抽就永遠都唔知二抽可以抽到邊度，到時萬一抽到伏嘢，你又心大心細

E/搏吓，樂華南邨太舊，我情願要安達，至少佢係新嘅

F/我以前讀書去過，真係好唔掂，重點係好舊，反正都係要轉小巴落觀塘，點解唔要安達

G/呢個算中間啦，一陣派你上山住就搞笑

H/作為樂華嘅人，同你講點都二抽