Next
【無薪假期丨勞工法例】員工請No pay leave原因無厘頭 《僱傭條例》下僱主有權拒絕申請？
【假期政策】員工非因工傷告假 不給予病假會否觸犯僱傭條例？
【假期政策】員工非因工傷告假 不給予病假會否觸犯僱傭條例？
2025-01-22
發病並非人人希望的事，但打工生涯無可避免間中會因病缺勤，所以各地勞工法例（包括本港《僱傭條例》）也有條款保障僱員告病假的權益。對於生病的定義，大部分人皆有類似標準，例如傷風、感冒等，甚至不少人也會因為身體受傷而告病假，但最近有一打工仔向社交媒體專頁「奴工處」投稿，表示其僱主只會在因工受傷的情況下給予員工病假，欲詢問這是否有問題。
延伸閱讀：【職場熱話】打工仔患癌 有薪病假點樣計？ 即炒可能會犯法？
即睇投稿人分享及其他網民回應：（按圖了解）
投稿人：「想請教咁多位，如果因私事受傷而導致長時間返唔到工可唔可以請病假？事緣有同事上星期Weekend同朋友行山差錯腳，搞到要即刻入院，醫生話嚟緊一星期都唔可以落床。落床之後都要長期坐輪椅出入，大小二便都要搵人幫手。同事份工係門市Sales所以無WFH，今日supervisor打畀佢，話佢唔係因工受傷所以唔計病假，所以叫佢停薪留職，嚟緊無得出糧同埋無得再享受員工保障，請問係咪合法？」
網民：可否因私事感冒？
網民：問個Supervisor，咁傷風感冒係咪一定要係工作地方感染先有病假囉！
網民：即係第時要返到公司先可以發燒，腸胃炎？放咗工之後個啲唔屬於病？咩叫病咩叫工傷？
網民：叫個supervisor試下咁同勞工處講呀嘛！
網民：病假同工傷兩件事嚟。
網民：條supervisor就真係要停職喇！
網民：Supervisor識條毛，有咩直接問HR啦！
網民：有醫生紙就係病假，無話工唔工傷。
網民：所有問題一律勞工處見！
網民：唔合法，如果佢儲夠病假日數，只要有連續四日或以上嘅醫生紙就可以有五分四糧。
網民：可以將supervisor嘅說話錄音，或者喺WhatsApp對話confirm多次，向HR部門投訴佢，唔得就勞工處見。
網民：「病假」係醫生話事，醫生簽病假紙就得，唔理你咩原因咩病。
網民：好多人以為受傷（非因工受傷）唔係病，但只要有註冊中西醫寫病假紙（不適宜返工）就係病假。
網民：建議你去勞工處備案，你等收錢都得喇！
網民：乜都假，black & white先！
網民：我嗰陣時做sales，自己整親連續請咗16個星期病假，都有4/5糧畀返我。如果佢咁樣答你嘅話，即刻可以去勞工處告佢。
病假可因私人原因 多於4天受法律保障
多名網民認為，上司說法奇怪，有網民猶如突破盲點留言：「可否因私事感冒？」這道問題點出事主上司的荒謬見解，皆因每個人都會生病，法例不存在只有工傷才可獲有薪病假的說法。許多網民要求事主盡快向勞工處舉報，揭發無良僱主，捍衛勞工應有權益。
根據《僱傭條例》（香港法例第57章），如已累積足夠有薪病假的僱員能夠出示適當的醫生證明書，而且該病假不少於連續4天，便可以領取疾病津貼。由於醫生診斷投稿者同事一星期都不可下床，相信其病假會多於4天，若投稿者同事累積足夠有薪病假，上司不給予有薪病假或會觸犯僱傭條例。
當然，值得留意的是，若連續病假天數為3日或以下，《僱傭條例》並沒有規定僱主向僱員支付疾病津貼，僱員要注意相關病假可當作無薪假。
另有網民指出：「病假同工傷兩件事嚟。」實際上，工傷病假是受《僱員補償條例》（香港法例第282章）保障，根據勞工處「僱員補償條例簡介」文件，工傷病假不足4日也會受法例保障，該文件表明，「如果工傷病假不超過3天及沒有導致永久喪失工作能力，僱主應於僱員須獲付工資的相同日期支付按期付款（即工傷病假錢）及有關的醫療費」。
按圖即睇3個求職者對假期政策的常見誤解：
（上述部分並非法律文件。有關法例條文的詮釋，仍以法例原文為準。若遇上類似事件時，應尋求法律專家之意見。）
延伸閱讀：【職場私隱】上司將求職者CV當廢紙 是否違反私隱條例？
延伸閱讀：【職場性騷擾】平機會揭示8分1打工仔曾遇職場性騷擾 最常見的性騷擾
最新專訪片︰
【SHE Says】努力打破性別定型 環聯亞太區數據科學及分析主管林蔚：普惠金融分析令更多人實現夢想
Look out for further updates on our Facebook fan page!
Jobs You Maybe Interested In
Latest IT Salary Trend
-
View Jobs42.5kMedian Salary
-
View Jobs35kMedian Salary
-
View Jobs27.5kMedian Salary
-
View Jobs20kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!