事主：近排上司愈來愈過份，email唔睇之餘，仲話同事應該入房提佢，最好印埋啲嘢出嚟，究竟佢係黐咗線定選擇性失憶？

網民：使唔使餵埋佢食飯？
網民：大把呢啲上司！
網民：照印！印一堆畀佢囉，佢咁喜歡。電郵炸爆佢，檯面放爆佢囉！怕咩？佢要求的！
網民：照印囉！最好鋪滿佢張檯，佢再冇藉口話唔睇或冇睇。
網民：印畀佢，佢又會話你嘥紙，點解唔同佢講：根本你懶唔睇。
網民：印唔印睇佢心情，小薯職責要估到佢心情，香港地大把呢啲衰上司。
網民：永遠叫人電郵cc埋佢，然後又問你有冇send畀佢係日常喇。
網民：大大聲同你上司講：我無義務提你自己唔做嘅事！唔鐘意就畀個通知期。連呢樣嘢講都唔敢講，無人幫到你！奴才。
網民：儲夠料報上top management，做鬼佢啦！ 
網民：印一份應該都有機會睇唔到，起碼要印一箱A4貼幅牆出嚟，最好雙面。咁貼喺老闆房玻璃就可以出面入面都睇到，物盡其用，又可以等全公司啲人都知你有提老細。
網民：下世做樹……我N年前個上司都係咁，啲email要印出嚟。浪費紙都算。仲要filing先煩。希望佢宜家學識check email啦……
網民：我舊公司個會計阿姐要求，email後要通知佢收email，然後要再print出嚟，然後highlight重點，然後再親手拎入房畀佢，佢先當收到。然後會計阿姐月尾同老闆建議開源節流，因為同事浪費用紙，然後就再沒然後了，公司都執埋。