Advertisement
【殯儀入行｜殯儀學徒招聘｜人工好高？】死亡是人生必經階段，但在華人社會卻是一個忌諱的話題。有打工仔覺得現時的工作乏味枯燥，不想過着每天營營役役沒有意義的人生，於是萌生起轉行的念頭。她在Dcard分享，聽聞殯儀業學徒收入由$30,000起，認為「想做到年薪百萬真係時日嘅問題。」，但遲遲未能踏出舒適圈，原因出自身邊人……CTgoodjobs為大家整理殯儀行業的工作，例如殯儀行業常見崗位與分工、如何入行殯儀業、報讀「殯儀策劃師培訓課程」要求、殯儀業人士應具備的特質等，讓有意入行的求職者先整個了解行業。
延伸閱讀︰【專訪】禮儀策劃師創立網上自選殯儀服務 助家屬向先人好好道別 裕祥殯儀 Hades：禮儀師就如一場「喪禮」的監製！
按圖即看事主分享:
真實故事分享
有聽過殯儀業學徒收入就已經$30000起跳，想做到年薪百萬真係時日嘅問題。而我係佛教徒，想積多啲恩德，希望可以幫到每個往生嘅人都有最好嘅謝幕，我真心覺得有成就感，反而依家做文職好無衝勁，揾啖飯食咁。殯儀業想入行都唔係話去遞CV就得，係要有人肯收做學徒先可以。咁啱識咗無耐嘅師傅，上一個學徒走咗，就問我有冇興趣入行。我係想做，但係屋企人接受唔到，我都驚會嚇走晒身邊嘅朋友，畢竟介意嘅人都係佔大多數，我唔知自己有冇勇氣放棄咁多入行。
延伸閱讀︰【專訪】90後殯葬禮儀師為使命感入行 見證疫下生離死別 盼逝者安詳走生命終章
打工仔對殯儀行業的看法
網民們都鼓勵躊躇不前的事主，認為人生只活一次，凡事應大膽嘗試，而且新時代的年青人，對於死亡並不太忌諱，安慰事主不用太擔心人際關係問題。至於家人方面，建議她入行後再慢慢向親人解釋，有網民更分享自己在殯儀業界的經歷給事主參考:
延伸閱讀：【另類職人】行業式微 紙紮店主掙扎求存 盼年輕人入行承傳獨有文化
殯儀業經驗談
網民：畢業第一份工就係做殯儀，一條龍殯儀公司嚟，入職$16,000。但已經叫嗌高咗價，同期入職都係$10,000左右，做咗十幾年嘅都係$20,000。當中小費嘅收入來源係高嘅，前提係老細無cap到你水。
堂倌以job計似接freelance咁相對好搵啲，但初入職頭幾個月做學徒你要預完全零收入，可能得少少車馬費同主家嘅利市，直到你學滿出師，睇你造化（有啲師傅無乜良心唔畀你出師你就一直做義工，自己諗）。你所講嘅學徒已經$30,000月薪，基本上除非你啲好多主家都好有錢得嚟畀利是又鬆手先有機會出現呢個情況。如果你話底薪$30,000起跳仲要學徒應該唔使諗。
有樣嘢要提嘅係，殯儀呢行打風落雨都唔會休嘅，因為個喪禮唔會因為咁延期。就算八號波黑雨你都係要返工。每場喪禮你睇場要留幾耐視乎個post而定，老細就一定唔會留到最後。但出殯前一晚打點同堂倌一般都會留到至少十點，第二朝照樣晨咁早到殯儀館set場，做得呢行就預咗會少好多私人時間。
份工係多嘢學嘅，上至見客整文件，到各項儀式唔同宗教，習俗都會接觸到。唔難理解但係繁瑣同要細心嘅。始終主家心情上都會波動啲，對細節會執著啲。利申：潔癖同怕屍體就真係勸退，因為化妝師收咗工你有機會需要補位。
同埋殯儀館好多嘢都唔會消毒，土工掂完屍體周圍摸時不時發生。做咗大半年，工作內容我好鍾意嘅，唔會悶同埋可以周圍走，但老細喺我面前cap咗我$6,000利市，所以劈炮走咗。因為積福還積福，我返工係為賺錢唔係做義工。
延伸閱讀︰【行業解密】做法醫需不時處理兇案？網民：除咗讀書叻之外仲好講求抗壓能力！
其實殯儀行業有不同分工與崗位，有些負責統籌葬禮、做司儀，有些則替先人化妝及穿衣，讓想入行可以先了解多點。
按圖即看殯儀業常見崗位：
延伸閱讀︰【行業分享】火葬場員工實際似工廠操作員？行太近爐會聞到ＯＯＯ
殯儀行業常見崗位與分工
禮儀師
►幫助往生者親屬處理後的殯葬人員
遺體化妝師
►幫遺體化妝梳頭，確保先人眼閉口合，讓他們的樣子變得自然，以安祥的樣貌出殯。
遺體護理師
►幫先人抹身換衫，有需要時塞棉花，預防體液及大小二便污染遺體。
堂棺
►安排靈堂的儀式，包括排花圈、幫主家上孝服、教家屬回禮、不同家鄉的殮葬、大殮、出殯儀式等。
法事師傅
►因應不同宗教信仰，例如道教有喃嘸師傅、佛教有和尚、基督教有牧師等。
仵工
►負責裝飾及運送棺本、搬運遺體、遺體清潔等。
靈車司機
►駕駛靈車，接送遺體到安葬場地。
殯儀館職員
►協助來賓查詣殯儀事宜及一般文書工作。
延伸閱讀︰【職人故事】 做殮房易撞鬼？起薪有幾錢？殮房員工破解「冷凍房」迷思
如何入行殯儀業？
傳統上，加入殯儀行業需要有前輩帶入行，但由於殯儀業人才短缺，故開始與香港青年協會及香港大學專業進修學院合辦「殯儀策劃師培訓課程」，希望吸引更多人士了解及投身殯儀行業，避免出現青黃不接的現象。
報讀「殯儀策劃師培訓課程」要求
►香港青年協會
- 需具備7年或以上工作經驗人士
- 課程收費：$8,500元
- 成功完成課程，出席率達75%或以上及經評核合格，即可獲頒發證書乙張
►香港大學專業進修學院
- 申請人需完成香港中學會考課程（包括中國語文科）；或香港中學文憑試課程（包括中國語文科）；或具有同等學歷
- 課程收費：$9,000元
- 出席率達80%或以上，於指定時間內完成所有作業，並取得合格成績，即可獲頒發證書乙張
延伸閱讀︰【另類職人】凶宅清潔師見盡凶案現場 血跡未算最驚心 更試過被報夢…
殯儀業人士應具備的特質
- 需具備同理心
- 主動積極
- 強大的心理素質
- 較佳的抗壓能力
延伸閱讀︰【另類職人】行業式微 紙紮店主掙扎求存 盼年輕人入行承傳獨有文化
殯儀行業的常見問題
香港現時有幾多間殯儀館？
世界殯儀館
地址： 紅磡暢行道10號
萬國殯儀館
地址： 紅磡暢行道8號
九龍殯儀館
地址： 大角咀楓樹街1A號九龍殯儀館
寶福殯儀館
地址： 大圍悠安街1號
鑽石山殯儀館
地址︰九龍鑽石山蒲崗村道181號
寰宇殯儀館
地址： 紅磡暢行道6號
「長生店」與「殯儀館」有甚麼分別？
長生店及殯儀館均可代辦喪禮，而兩者最大分別是殯儀館備有殮房設施和禮堂，長生店則需要向殯儀館租用這些設施。
另外，長生店可向顧客提供一些後續服務，如︰替顧客入表申請抽籤公營龕位。
由長生店或殯儀館提供的服務一般包括：
- 指導或替客人辦理死亡證明文件，申請火葬或土葬服務等
- 售賣或代訂棺木、骨灰盅、香燭冥鏹等殯儀用品
- 安排禮生（俗稱堂倌）、仵工、喃嘸師傅、法師等工作人員
