Advertisement
散水餅是香港職場較為特別的文化，西餅或小食蘊含了離職同事對工作夥伴的心意。心意有好有壞，散水餅未必象徵感謝之情，也有可能暗藏了不滿情緒。正值中秋節，會否有人在離職前派發應節散水餅呢？最近，網絡討論區「連登」有一打工仔貼文，該打工仔指其公司的實習生在離職前派發了一款月餅當散水餅，怎料無人問津，網民竟然也稱這猶如報復？
延伸閱讀：【中秋節】打工仔愛買「另類月餅」 特色中秋禮盒盤點！
即睇事主分享及網民回應：（按圖了解）
事主：公司個00後intern今日last day，所以我今朝早餐都pass咗，諗住返到公司有蛋糕食。點知個00後拎咗幾個五仁月餅出嚟，成班女同事睇到呆咗，真係鬧都費事……啲五仁月餅放喺到成個鐘都冇人拎，我係咪應該要畀啲禮貌去拎件食？
網民：其實五仁好貴，可能佢笑你哋班老嘢！
網民：擺明報復……
網民：五仁月餅好難食！
網民：啱呀，所以佢買畀樓主佢哋食。
網民：肯定係你間公司太衰！
網民：擺明玩鬼你哋班友。
網民：我寧願要嘉頓雜餅……
網民：可能食到下次返嚟都仲有得食。
網民：以前啲人送五仁月餅， 我淨係食個皮……
網民：五仁月餅好似食一大嚿又甜又鹹嘅軟花生糖……
網民：Intern last day仲想對人有要求，睇怕你哋平時都畀唔少說話人哋聽。
網民：點解Intern都要派散水餅？
網民：但呢個intern識玩！
網民：拎起佢掉落pantry垃圾桶啦，好人好事！
只適合於老人家？ 網民：其實唔平
多名網民同情事主遭遇，幾乎一致認為五仁月餅不合大眾人口味，只有年長人士喜愛，更有人寧願要一桶雜餅，笑言該實習生揶揄一眾同事是「老嘢」。不過，有網民則指出，五仁月餅價格並不比傳統月餅或新式月餅遜色。根據網上資料，香港某著名傳統餅店的五仁月餅一盒四個索價約380港元，與雙黃蓮蓉月餅同價。
五仁月餅的「五仁」普遍為杏仁、核桃仁、橄欖仁、芝麻仁和瓜子仁，也象徵家庭「五人」（父親、母親、丈夫、妻子、兒女），甚有意頭。無論如何，派散水餅本來只是一種心意，同事不應期望太多，但若離職者想同事吃得開心，或許要顧及一下大眾口味啊！
Last Day當日要做的8件事，走之前記住留意！（按圖了解）
返工越嚟越肥仲要食月餅？按圖即睇喺辦公室輕鬆減肥嘅5個貼士：
延伸閱讀：【中秋節】同員工歡度中秋 一個果籃50人分 網民：原來真係有五餅二魚…
