Advertisement
行業秘聞總是令人知道很多某些行業的點滴和不為人知的秘密，而當中，相信大家都對飲食行業十分有興趣，畢竟大家都有在餐廳用膳的經驗，了解多一點就可以避免「中伏」！而最近有從事飲食業的網民在討論區中分享自己在泰國餐廳工作的經驗，並勸籲大家千萬別叫某一個餸菜……
延伸閱讀：【職場熱話】外資公司有娛樂室 員工可以隨時玩 網民：港資連去廁所到畀人話⋯
該網民在討論區Dcard上以「去泰國餐廳千祈唔好叫呢樣嘢食」為題，分享震驚到自己的行內秘聞！當中，還有不少從事其他餐飲業的網民加入討論，大家都在討論「重用食材」的話題……泰國餐廳會重用甚麼？甜品舖頭又會重用甚麼？越南餐廳重用的，更叫人震驚……
Advertisement
即睇事主分享及網民回應：（按圖了解）
事主：「帶返頭盔，唔知係咪間間嘅做法都係咁， 但我以前返過兩間泰國嘅餐廳都係咁，好多泰國餐廳都會有呢樣嘢食，就係菠蘿炒飯！以前返過呢兩間餐廳，啲菠蘿都係會重用嘅！仲記得第一日返工唔識嘢，執抬順手掉埋個菠蘿，點知畀個經理鬧爆，話入呢啲菠蘿好難，做咩掉咗佢！所以唔建議喺泰國餐廳叫呢樣嘢食……」
網民：「公開秘密。同竹筒炒飯一樣，另外聽聞以前某中菜酒樓係重用冬瓜盅。」
網民：「其實大部份都係咁做，邊有咁多菠蘿？買返嚟即開起肉淨係用殼，所以喺出面盡量唔好嗌呢啲，一係你就破壞哂個殼，等佢冇得重用。」
網民：「次次去食泰國嘢都叫……唉。」
網民：「我返嗰間都係，連鎖高級多國菜，連高級餐廳都咁，細餐廳就更加唔使講，返完工之後都唔敢叫呢個食。」
網民：「我一直食咗啲咩……」
網民：「去甜品舖嗌咗椰皇，啲椰肉超黑又有窿！一睇就知係重用N次！」
網民：「接受唔到……」
網民：「我返越南餐廳都係！連香茅特飲枝香茅都要重用！我第一日返工嗰陣掉晒啲香茅，被人鬧到飛起！我知道真相嘅時候覺得勁核突，之後出去食飯冇叫過香茅嘢飲。」
網民：「飲品真係唔掂，接受唔到重用！香茅特飲就好似嗰條飲管重用一樣，勁嘔心！」
網民：「雖然都明點解，所以我每次食都會整爛個菠蘿同椰子。」
網民：「好細個阿媽已經有教，我以為係大家都知嘅常識！」
網民：「作為一個聰明人，我會整穿個菠蘿。」
網民：「有次前同事食菠蘿炒飯食到腸胃炎。」
網民：「一向都係重用N次，好多平平哋嘅海鮮，個背或外殼都係重用……」
網民：「其實我由細到大都一直覺得嗰個只係『碗』，會多次使用。我覺得啲菠蘿都應該罐頭菠蘿？或者真係新鮮菠蘿？」
衞生問題最令人擔心
雖然很多網民都知道重用菠蘿是一個公開的秘密，但最多人擔心的問題其實是該菠蘿的衛生程度，有網民擔憂地問：「個菠蘿會唔會洗？唔洗咪上一手啲口水喺晒度？」而有經驗的網民則回答道：「用水沖幾秒咁啦……」其實都真的挺噁心……
留言中的哪個重用食材最令你感到震驚呢？大家以為外出用膳還會叫那些食品和飲品嗎？
延伸閱讀：【職場熱話】外資公司有娛樂室 員工可以隨時玩 網民：港資連去廁所到畀人話⋯
延伸閱讀：【職場兩性】鍾意咗大十年女上司 對方初時示好但忽然冷淡…
