Advertisement
職場新人進入職場時總是心懷抱負、滿腔熱誠，想開拓一片新天地，實現理想。那麼工作好幾年、數十年的你又如何？還對每天工作接觸的人與事有期待嗎？香港討論區一位步入不惑之年，40歲左右任職管理層的網民表示他20至30多歲工作時充滿幹勁，現在上班卻得過且過，對工作上的事情不再上心。這是40+同齡人們的心聲、自白，還是事主的單一案例？
延伸閱讀：【職場熱話】做得經理級一定係工作狂？網民推翻：我個上司日日遲
按圖即了解事主分享和網民回應：
事主：「以我為例，剛剛出來返工的時候，20多歲到30多歲，返工充滿幹勁，一切以工作為主，經常通頂也沒有任何怨言，很多時候得罪別人也不知道，現在40頭，職位也屬管理層，開始懂得怎樣卸膊，大部份事情也是交給下屬去做，功就我領，鑊就人哋揹，很多事情也是一隻眼開，一隻眼閉，常常倚老賣老，上班時得過且過，屬年輕人眼中的老屎忽，相信這種工作態度，到我退休也不會改變。唔知大家返工嗰陣時又係咩心情同態度呢？」
網民：「我好簡單，我只係睇錢，邊個比嘅人工高啲，邊個就係我老細。所以我成日轉工，但我又真係越轉人工愈高。」
網民：「返工望放工，放工望紅日，紅日望年假，年假再繼續。」
網民：「做好每日嘅工作，等月尾出糧。」
網民：「40頭就變老屎忽？幾時先捱到退休? 比多兩錢肉緊，時間會過得充實啲，滿足感也會大啲，話唔定工作上還可以有進景。」
網民：「每月有糧出，公司無乜是非就夠。」
網民：「當你盡心盡力做嘢，之後升職加薪，但上司因制度而無畀個好Report你，叫你讀下書咁，你會開始對份工無好感，開始Hea。你會發覺，當放棄咗升級，上司先當返你係個人、會尊重你。嘢做少左之餘，返工就變左自己時間。最奇嘅係，你Report個Grade，同你搏命做嘢嗰年，係一樣。」
網民：「返工除咗出糧之外其實無其他意義，因為每個月固定咁多人工，所以個個心態都係做多錯多，少做少錯，唔做唔錯。」
網民：「準時返工，準時放工，只會做必須要做嘅嘢，唔會做多，除非人工同工作量成正比，否則唔會同佢上心。」
網民普遍表示做好日常工作，月底有薪水拿是最重要的。人人抱負都不一樣，找到適合自己的工作生存之道就好了。可是如果工作中經常覺到疲倦、無力，你可能有了職業倦怠（Burnout），嚴重的話可是會影響身心健康！
甚麼是職業倦怠？
美國社會心理學家Christina Maslach和Susan E. Jackson的研究，將職業倦怠大致分為三類：
1. 情緒耗竭─失眠、難以集中精力、對工作失去熱情、習慣性疲倦。
2. 去個人化─經常以消極、冷漠和嘲諷等負面態度對待周圍的人與事，抗拒社交。
3. 成就感降低─認為工作無意義、對工作失去興趣。
要怎樣消除職業倦怠？教你4招消除職場職業倦怠！
延伸閱讀：【職場理財】出糧只儲錢唔投資係異類？打工仔：公司得我一個無玩股票、基金
延伸閱讀：【薪酬待遇】4年從未加人工 一項傳統習俗更要員工出錢當福利？
延伸閱讀：【投資理財】同事常吹噓炒股有道令人討厭 打工仔：炒股係賭博 有風險
