Advertisement
求職、見工面試、等待結果的整個過程都令求職者很難耐，明明面試時與面試官有說有笑，對方好像很滿意自己的表現，更加問自己最快可以何時上班，以為氣氛非常好，已經接近可以即時上班的氛圍，不過，之後卻一直沒有收到取錄的通知……這時，應該打電話去問一問HR嗎？
延伸閱讀：【職場熱話】外資公司有娛樂室 員工可以隨時玩 網民：港資連去廁所到畀人話⋯
有剛畢業的求職者在討論區Dcard上以「應唔應該打電話去問面試結果？」為題發文，詢問大家的意見，她指：「我FG（Fresh Grad），月頭去見咗份工，等到而家已經過咗九日都未有結果，大家覺得我好唔好打電話去問吓，因為對呢份工都幾有興趣。」
Advertisement
求職者心急是在所難免的，不過如果打電話去問HR，你又期待會聽到甚麼答案呢？HR並不是全權可以決定請甚麼人，對方會回答你真正的原因嗎？最大的機會可能都只是叫你再等通知，那打電話問結果似乎有點沒意思吧？
即睇網民回應：（按圖了解）
網民：「唔應該，正常兩星期內。真係覺得你適合嘅就會自動搵你，唔搵你都知咩事㗎啦！」
網民：「政府嘅話，等一至三個月係正常的，我相信某啲公司都可能係咁。但如果都係冇就可以死心。」
網民：「唔使打，請你就會聯絡你，你打過去問仲奇怪。」
網民：「唔需要問，問咗都唔會話畀你知，好多時候你可能係第二或者第三個選擇，咁要睇吓前面啲人take唔take個Offer，所以HR都答你唔到。」
網民：「唔好，冇通知就即係唔請，請佢自然會通知你。」
網民：「你有興趣，人哋未必對你有興趣。」
網民：「如果你真係想follow up嘅，可以send個email畀HR問下。」
網民：「做緊HR嘅答你，一至兩個星期內冇搵你就真係可以見過第二份，唔好等，亦都唔好打嚟或send email問，冇就係冇，問咗都唔會有。」
網民：「我而家呢份工都等咗兩個禮拜先有offer，畀啲耐性啦，如果超過一個月嘅就唔使等。」
網民：「唔好啊！過咗咁耐，搵定第二間好啲。」
網民：「我都見咗份工，話有興趣一個星期後打去問，打咗話未in完，而家兩個禮拜有多，我仲問唔問好。」
網民：「可以同打去講你有另外一個offer喺手，但對你間公司有興趣啲。」
網民：「過咗三個星期都冇，你可以send thank you letter，順便問吓申請狀況，不過唔好預人哋一定答你。」
別被假象騙到
事主補充指：「喺面試過程個interviewer表現到對我幾滿意！」所以未收到通知的她，更感失望和疑惑，覺得為甚麼面試很成功，卻不立即聘請自己呢？有網民提醒她道：「有機會係假假象，出嚟做嘢唔好太天真只睇表面，如果一個星期左右冇消息就疊埋心水下份，當搵多幾份做水泡都好。」其實，對方表現出對你滿意，與你表現到這間公司是你的唯一，是同一道理，你都同時在找幾份工作吧？每次面試你都會表現到其公司是你的唯一吧？所以真的別相信這些假象，抱有平常心地等通知就好。
網民幾乎一致勸事主別打電話去問結果了，因為正常兩個星期至一個月沒有通知，這已經是一個結果，無需再三確認了，打電話去只會為大家造成不必要的尷尬局面。不過，如果真的想打電話去確認，有網民提議可以試着與HR溝通，指自己已經有其他offer在手，但自己卻對此公司感最大興趣，希望了解自己是否有機會，雖然對方未必立即可以給你答覆，但如果是真的有心請你，就會盡快與你聯絡和安排；亦有網民認為打電話似乎未太有需要，可以改用電郵溝通。
延伸閱讀：【職場熱話】外資公司有娛樂室 員工可以隨時玩 網民：港資連去廁所到畀人話⋯
延伸閱讀：【職場兩性】鍾意咗大十年女上司 對方初時示好但忽然冷淡…
