【職場熱話】同事相繼辭職打工仔︰阿姐開始同我懶fd

企業文化對員工的忠誠度有密切關係，若然上司對員工的態度差，下屬自然會有離心。

最近有打工仔投稿，表示公司同事相繼辭職，上司因害怕有更多同事離開，擔心工作量大增，開始與大家打好關係，但似乎得到反效果，令其他同事更想辭職。

按圖即看事主經歷︰

最近公司同事好多都走咗，有啲移民啦，有啲就想轉工，當然有啲就係不滿阿姐嘅作風同為人。咁多人辭職，公司又未搵得切人去replace，所以呢排工作量大咗好多。

阿姐本身同我哋成班同事都唔fd，無料之餘又成日認叻教人做嘢，有咩光環就即刻衝出嚟拎，有事就卸膊。佢之前一直都冇咩嘢做（因為佢咩都畀晒我哋做），佢自己就好得閒；但依家啲人辭晒職，佢都開始忙，老細亦開始畀壓力佢。唔知係咪因為咁，自從好多同事走咗之後，佢就開始扮晒關心下屬，無啦啦就會搵我哋傾偈，開始懶fd咁閒話家常，仲成日邀請我哋一齊lunch，好煩呀！

講真，大家都知係做戲啦！何必呢？一齊食嘢氣氛又尷尬，明明冇嘢講都要特登搵嘢講。佢咁樣做，咪令到成班同事更加反感，更加想走；不如真係做好啲嘢，學吓點做人上司好過啦！

延伸閱讀：【打工仔熱話】打工仔最忌對公司太過忠心？網友：合作夥伴心態就OK

如果打工仔對公司或上司不滿，可先考慮解決問題，與上司溝通，再作進一步打算。但如果大家出現以下5大跡象，就似乎要思考辭職的必要性。