9/人工包埋

每當OT做到死，或者畀上司話嘅時候，就會有班小薯衝出嚟話呢啲嘢係人工包埋。

8/五天半工作制

究竟咩嘢叫五日半？有返就有返，無返就無返，邊有得咁話返半日！

7/放煙Break

唔食煙嘅人就會嘈，食煙嘅人就當係寶。

6/臨收工開個快會先

真係救命，臨收工先話要開會，仲扮晒嘢話會快，撞正真係準時收工已經當贏。

5/文具小偷

每間公司都總有一兩個文具小偷，話就話公司數無所謂，但有時用起上嚟畀人拎咗，真係會好躁。

4/突然今日請食飯

最怕唔講定先今日突然請食飯，迫我為咗食好嘢，放棄自己個飯，拎返個飯返屋企又好傻仔咁，夜晚約咗人睇落就更傻仔。

3/「同事幫手換紙或者水」

啲女同事平時買十幾袋嘢都仲得，但換紙同水就老馮要人幫手，話呢啲係咩風度。

2/住得近係死罪

打風早走無你份；返工放工同一區，公司等於第二頭家，人人OT call車開公數，賺到笑哈哈，自己就咩都無。

1/總有個上司阻住做嘢

阿頭真係好醒，開個快會都係小事，可唔可以唔好用你嘅無能去證明自己係傻仔？食嘢唔做嘢，好搞唔搞，搞埋呢啲嘢。

網民回應：

A//仲有散水餅呢？

B/返5日半嗰啲同事，個個着Casual Wear，返嚟坐吓就走

C/「呢單嘢唔係我跟開」

D/生日去飲茶

E/OT無補水真係好差

F/聽過有啲公司，要個上司走咗先可以收工

G/五日半都仲有變奏版，即係六日長短周，五日半長短周（又名5.25日），嗰陣返長短一遇着星期六、紅日一定亂晒，唔知邊個返

H/有啲同事每個鐘煙Break一次，每次15分鐘，即係每日佢比唔食煙嘅同事做少兩個鐘嘢

I/奉旨換水，臨收工畀嘢做，逼住同同事應酬，專登OT扮勤力

J/升職請食飯或者散水餅

K/用盡所有方法聯絡你，尤其係放假嗰陣，好似email/打電話/ whatsapp/ signal/ wechat/ line

另外，成日要開唔同類嘅Group，食飯一個，平常又一個，臨時event又一個，總之好多好多個無謂group

L：一定要有磨爛蓆，大嗰啲未起行，細嘅就算做哂嘢都要坐多陣