Advertisement
找到一份心水職業是每個打工人的心願！ Dcard討論區有住在屯門的上班族表示轉換工作後，自身對工作內容很滿意，更學到不少知識。可是，他感到很煩躁…為什麼呢？原來他每天要花達4個多小時來往住所和公司。轉換工作就好？偏偏他所在行業大多都在觀塘區…
按圖即了解事主分享和網民回應：
事主：「最近轉咗份新工，份工我好鍾意，返咗幾日都好開心，學到好多嘢。但屯門返觀塘，返咗兩日，心情開始變得好煩躁。返9點，但6:30左右要起身，放6點，但返到屋企已經8點。
返咗兩日，放工已經塞咗兩次車，返到去完全唔想同屋企人講嘢，少少嘢唔順就好忟憎，唔好問點解我唔揀啲近嘅工，因為我嗰行大部分都係喺觀塘嗰邊。屯門啲樓幾平都好，千祈唔好買，去邊都遠到傻，想返份人工高少少都要出市區，近極荔枝角都來回兩個鐘，好浪費人生。」
Advertisement
網民：「1.唔返呢行 2.搬去觀塘住」
網民：「其實係你去錯區，我住屯門去港島1個鐘內。」
網民：「我都住屯門，見job ad喺九龍灣、觀塘都唔會apply，除非人工真係高到可以cover個租，唔係我真係唔會咁辛苦自己，想當年讀書實習返將軍澳工業村嘅日子嚇怕咗我。」
網民：「而家啲樓價回落咗咁多，可以考慮搬出來住。」
網民：「我天水圍返鰂魚涌…次次都要兩個鐘。」
網民：「我一開始返何文田都躁，比以前返中學遠好多，日日來回3個鐘，而家習慣咗啲。」
網民：「完全明呀，我天水圍返將軍澳工業邨，雖然有公司shuttle，但來回都差唔多3個鐘...放工一塞就死得。」
網民：「搬出九龍住，我每朝要5點幾起身，住九龍但去新界返工啲車班次又少……有車牌但搵泊位唔易，加上情願車上補眠都唔想用精神去睇路！」
網民提出了很直接的解決辦法，要不轉換行業，要不搬去觀塘附近的地方住。事主一時三刻難改變？轉換一下想法吧！既然通勤時間這麼久，何不運用一下這些碎片時間呢？先去查巴士跟地鐵時間表和路線，找出最少轉乘路線，減少上上落落時間。再規劃能做的事，你可以聽音樂、看劇集、玩手遊，累時也可休息，把通勤時間視作你的休閒和放鬆的時間。
中午吃飽「飯氣攻心」，超級疲倦？何不在午餐時間補眠？快看5個午睡技巧，助你午休叉足電！
返通宵更命都短幾年？快看5個捱夜不傷身原則！
延伸閱讀：【返工血淚史】住屯門打工仔呻公司搬柴灣 過來人︰黑起上嚟可能要4個鐘搭車
