有網民在社交平台專頁「奴工處」上投稿，指懷疑同事有精神問題，每日返到公司只是呆坐，情緒起伏大，「日日返嚟公司都唔做嘢，淨係呆坐到收工，有時喊有時傻笑。」

幸好該名同事沒有做出傷害自己或他人的行為，而老闆亦關心該同事，「之前老世放咗佢幾日假，希望佢去睇吓醫生，甚至私下聯絡佢家人多啲留意佢情緒。」

不過網民指同事放假後回來，情況好似變得更嚴重，「同事完全唔覺自己有問題，唔肯睇醫生，放完假返嚟佢好似仲嚴重咗。」

網民表示同事們也想幫手，但不知可以從何入手，「老世唔想炒佢，大家都想幫佢，但佢咁樣好影響大家嘅日常工作……」

網民A ：搵人陪佢睇醫生，佢接受唔到自己有病。同佢講只係同心理醫生傾吓偈，唔係睇醫生。

網民B ：好老闆！不過佢都要諗其他員工。我都遇過一個，佢就有睇醫生，不過都無咩用。佢會不停講嘢，時悲時喜，零生產力……之後公司用大金送走佢，唔使做又有錢佢好開心離職。

網民C ：如果有情緒病，生理上都有唔少病徵，可以留意吓，例如失眠，心悸等。

網民D ：會唔會係失戀？

網民E ：唔好話帶佢睇醫生，叫佢陪「你」睇醫生！我建議繼續當佢正常人畀嘢佢做，就當佢係比較新／弱嘅員工，繼續嘗試和佢交流，其實情況未必咁壞。

網民F ：唔見醫生，見社工會唔會幫到佢？

網民G ：我嗰度都有一個係咁，不過無咁嚴重。

網民H ：你老世都好好人……