事主表示自己剛畢業，目前的工作返了約一至兩個月，但已經很想辭職。事主指近來不知是否得罪人，上司態度突然變差，有可能是因為早前做錯事麻煩到上司，而導致上司的容忍度變差。

事主指因為這樣而導致壓力大到去廁所喊，「有兩次我或佢搵唔到啲file，佢就屈我問我係唔係我del咗，到今次我真係忍唔到，好辛苦，嗰下嘅諗法就係想quit，無嘢比我健康更緊要，我唔想日日提心吊膽咁做嘢。」

事主提到與家人談及事件都會「講到喊晒口」，她又形容「但係今次直係插到谷底好辛苦」，正當大家都以為事主會辭職時...

事主最後決定繼續做落去，理由是其他同事都很好，「其他人都好好，當我同事聽到我畀人話都安慰我話好少事啫無事嘅，公司福利都好，係人工低啲啫。」不過網民唔多支持她的決定，更建議快點辭職。

網民回應:

網民A ：福咩利好啊，人工低又惡頂就quit啦。

網民B ：如果真係做得咁唔開心，咁大壓力，幾多錢幾多福利其實都無用，你會好辛苦。你FG咁後生，真係做得咁唔開心就quit咗佢，東家唔打，打西家。

網民C ：我上一份都係咁 ，公司福利好好，但真係唔多開心，Quit了。

網民D ：留係度一係人工好高，一係做得好開心，兩樣都無我建議都係quit咗佢啦。

網民E ：同我之前一樣，我依家好後悔無係probation前走，如果唔係等錢開飯，強烈建議樓主快啲走，我就係最好嘅例子。

網民F ：兩個月咪quit，唔好寫入CV。

網民G ：我之前返工都日日無端端比經理用粗口鬧，搞到個人壓力好大，如果真係唔開心就唔好做啦，辭職嗰陣就會一身輕。

網民H ：小心注意健康，有啲影響唔係即時見到，無論心理定生理上，而且心理同生理會互相影響，做咗幾年嘢已經見過唔少case，唔係話要好開心好hea唔辛苦，但要避免長期折磨。

網民I：出嚟再搵吧～有福利更好嘅公司，唔好俾啲爛工做到自己咁depress。