Advertisement
一機在手，能通曉天下事，紙本報紙早晚要被淘汰？香港討論區一名網民表示每次看完紙本報紙後，雙手都會被墨水弄髒要去洗手，而且他還不太喜歡報紙的味道。不料，這網民的老闆卻要求員工每天早上都要看報紙，還要剪報留記錄。網民好奇明明上網看報或把新聞印下來就好，為何老闆執著訂購紙本報紙。他更提問到底現在有多少人還看紙本報紙……紙本報紙零價值？又有網民指某些題材要紙本看才好？
延伸閱讀：【職場辛酸】越忠誠嘅打工仔人工就越低？網民：跳槽人工先加得快
按圖即了解事主分享和網民回應，一起來討論紙本報紙的存在意義吧！
事主：「公司有訂報紙嘅習慣，每朝都要人睇，仲要剪報留記錄。其實真係好唔明，而家咁多網上新聞，上網睇睇完print出嚟唔好咩？係都要人睇報紙。自從有得上網睇新聞，已經好少會睇報紙，好唔鍾意報紙有陣味，仲要睇完隻手次次都一定黑晒要去洗手，洗完手隻手又會好乾。試過同公司講不如用上網print新聞代替，老細又唔肯，寧願用錢去訂報紙，今時今日仲有幾多人會睇紙本報紙？」
網民：「畀啲唔識用手機嘅長者睇，90%睇報紙嘅都是年紀頗大人士。」
網民：「好多雜誌都放棄做紙媒了。」
網民：「自己唔需要，就話人古老，自己鍾意就話懷舊……」
網民：「好多年前已經冇睇報紙，只用免費報紙墊嘢。」
網民：「而家真係好少人睇報紙雜誌，多數公司診所學校訂，相信十年後便會消失。」
網民：「我會睇報紙，因為唔想成日睇手機，怕傷眼。」
網民：「紙媒有馬經波經副刊，網媒有嗎？」
網民：「我都有時睇紙本報紙、書，感覺係有啲唔同，靜靜哋坐喺露台飲下茶拎住份紙本睇，覺得幾舒服。」
網民：「一眼睇晒兩大版標題，鍾意細閱喜歡睇標題，冇睇開唔知咁方便，財經，馬經，波經，報紙可以慢慢研究。」
網民：「對資訊有全面性要求的人，只會看實體報紙報，網頁版好多都係精要版，由報導者幫讀者篩選內容，但好多時各人所需資訊都唔同，單睇網上版好多時睇漏，我就堅持買報紙睇。」
傳統報紙的味道
當下社會人們忙於工作，特別在香港，生活節奏十分急促，大部分事情都講求效率，網報特性與時下潮流相匹配。網報迎合都市人需要，提供的文章篇幅較短，為大家新聞要點，以快速了解社會正在發生的事情。那麼，大家是不是必須向紙本報紙說再見？它們的價值是什麼？網民所說，有些人可能更喜歡全面的信息，而不是網報的撮要版本。有時候，大家也想拿走電子產品並放鬆一下，一邊喝茶，一邊細閱報章社評，好不寫意，感受紙本報紙獨有韻味。對事主來說，你不妨問一下老闆為何執意叫大家看紙本報紙，了解一下是否有特別考慮！
唔要紙本報紙點得，網民話要睇馬經同波經！
馬經、波經的紙本報紙中列有馬評人貼士和詳盡賽馬消息，馬迷們可拿着紙本報紙，用筆圈下重點，慢慢研究。
人物經時間洗禮，非但不吃香，反被嫌棄？中年失業的上班族慨嘆找工作甚艱難，認為即使放下身段要求應徵工作，僱主都會覺得「玩嘢」，情願請個後生仔方便教？
延伸閱讀：【行業秘聞】住豪宅、公屋邊類人搭的士最爽快？的士司機：唔畀貼士都算 仲唔識尊重人！
