Advertisement
現時不論大小企業在招聘員工方面抱有審慎態度，短期合約職位常見於大大小小的求職平台。企業可觀察市場變化或員工表現而延長合約期，但對於打工仔來說，短期合約較長期職位存有更多未知之數，不會知道未來能否續約，工作安全感較低。
最近，有一名打工仔投稿至社交媒體專頁「奴工處」，表示自己不幸遭公司拒絕續約，並對上司的一句說話感到無奈。
Advertisement
延伸閱讀：【職場熱話】難頂前上司常用WhatsApp問離職同事公事 網民：點解你要覆？
即睇事主分享與網民回應：（按圖了解）
事主：就嚟合約完，我上司唔同我續約，仲要同我講咗兩次好唔捨得我。我心諗：你可唔可以唔好咁假！
網民：門面功夫嘛！
網民：難得有好話聽，當執到囉，外面大把難聽說話等緊你呀！
網民：佢仲願意講啲表面嘢嘅，咪好來好去囉！
網民：講就唔好當真，你算好，無叫你請食散水餅。
網民：搵定工啦！
網民：其實你覺得佢個人係假，咁佢講乜嘢都係假！
網民：好多時候，上司，除非係老細，其實佢都冇咩權控制你份約續唔續得成。
網民：我又唔覺得一定係假，咁唔續約可以係公司嘅決定，而且佢可能係欣賞你嘅人品，但唔需要你嘅能力，而公司出糧偏偏係只需要你嘅能力。
網民：以前有間公司，試用期就嚟完，叫我入房問有咩打算，我話：「你都出咗job ad啦，問嚟做咩？」
網民：人哋公式做公關嘢，係得你自己咁上心。
網民：佢同你亂吹，你咪同返佢hea答囉！「係咪真㗎？多謝你喎！」利申：本身都想走。
上司未必有決策權
多名網民勸告事主不應該過份上心，皆因口頭上所謂不捨有機會只是客套說話，並非真心真意。有網民認為，事主應該見好就收，「願意講啲表面嘢」已經好來好去，否則難聽說話更令人難受。
縱使網民事主與不少網民質疑上司「唔捨得」的說話是否真心真意，但有網民則稱，這句說話仍有真心的可能，因為「唔續約可以係公司嘅決定」，而企業人員編制問題未必是直屬上司可以控制，上司有機會只「欣賞你嘅人品」而已。
話雖如此，不論事主認為上司屬真心還是假意，被拒絕續約一事已經塵埃落定，有網民直截了當表示：「你覺得佢個人係假，咁佢講乜嘢都係假！」
老細講嘢唔合理？網民盤點3類難頂金句，究竟你有冇聽過？（按圖了解）
網民齊數最難頂嘅老細行為，有人竟然話老細返咗30年工Send封Email都唔識？（按圖了解）
延伸閱讀：【職場是非】講上司壞話遭對方發現 打工仔：佢一字不差複述我講嘅嘢⋯⋯
延伸閱讀：【職場文化】搶功勞、乜都唔批准 難頂上司要點應付？
延伸閱讀：【職場熱話】垃圾工作VS乞人憎上司 邊樣難頂啲？網民：好工不如好同事
