Advertisement
加班(OT)文化在東亞地區相當盛行，近至中港台，遠至日本韓國，網絡上一眾打工仔的哀號隨處可聞。對於一些飽受職場文化薰陶的老員工來說，有開工、無收工似乎已經見怪不怪；然而新一代的職場新人又是否接受這種根深蒂固的文化？近日就有網民在網上討論區分享了自己與職場新人對加班文化的一些見解，並與一眾網民展開激烈的討論。
按圖即睇事主經歷：
事主：一到5:00pm即刻唔見咗人喎！聽朝早應該點玩佢好？
事主：邊有人第一日返工會準時走？
事主：職場文化有好多嘢都唔合理㗎啦！大家咪又係咁做。
事主︰憑咩你咁特別？佢唔識我就有義務教好佢。
事主：佢試下喺其他公司咁做，分分鐘連份工都無埋。
事主：你咪試下唔好跟囉。但反叛係有代價，聖誕前無咗份工唔好問點解。
即睇網民回覆：
網民：傻的嗎？準時走人有咩問題？
網民：其實OT唔代表做到嘢！
網民：無嘢做咪準時走，仲留喺度煲醋咩？
網民：我第一日放工真係準時走，因為上至老闆下至師兄全部都早走⋯⋯記得有次早10分鐘返，清潔姐姐仲問我咁早做咩，個個都遲成半個鐘先返。
網民：OT代表你工作能力低咋！仲好意思攞出嚟講。
網民：公司文化係咁就一定要個個都跟？憑咩要咁做？第一日返工遲走有bonus？
網民：你自己想做奴隸你咪做飽佢，你憑咩話人準時收工有問題？
網民：做壞規矩咪你呢啲。
網民：唔係個個都要OT先等於勤力有做嘢，大把人準時收工啦。更何況第一日返工都無咩嘢做，準時走有咩問題？定係你效率低到要OT咋？
網民：明明合約寫明返幾點放幾點，點解要準時又放工都唔啱？
網民：奴隸文化就係奴隸心態建立出嚟，OT就係代表你做唔哂啲野先要留喺度繼續做，咁依家新人根本無野做，準時收工錯喺邊？
準時收工，但上司收工後搵你？可嘗試參考3個大方得體回覆。（按圖了解）
延伸閱讀：【職場溝通】上司工餘時間搵你要點Reply？ 學識3個執生講法
現時坊間對於加班是否應該成為常態仍有著重大的分歧，支持的一方指出作為職場新人，肯搏肯捱、不辭勞苦才能獲得上司賞識；反對的一方則認為現今世代講求工作生活平衡(Work Life Balance)，上班一族都不願被工作綑綁一生，希望為自己留一點私人空間⋯⋯無論如何，人生苦短，能夠在短暫的人生中覓得自己的生活態度，活在當下才是值得慶幸的事情。
延伸閱讀：【提高面試成功機會】見工HR最討厭NG句 求職者避免講「願意加班(OT)」？
延伸閱讀：【職場熱話】上司Whatsapp叫人做嘢唔計OT 網民：諗緊係咪應該祼辭
延伸閱讀：【返工血淚史】狂燥上司OT開會潑水！網民﹕刻薄上司都係奴性下屬縱出嚟！
