Advertisement
隨着政府宣布婚宴場地最新限聚令規定，進一步放寬社交距離措施，不少疫情下的準新人終於可以再出動，大搞婚宴派對！畢竟都已經等了一年又一年，大家都要習慣適應。不過，這種興奮可以明白，但有些人卻可能被這興奮的心情沖昏了頭腦，亂發「紅色炸彈」！
延伸閱讀：【職場文化】最怕收到唔熟同事嘅紅色炸彈！網民：有幾難拒絕？
有網民在討論區Dcard上以「返工第一日就收到紅色炸彈」為題發文分享，指自己返新工的第一天就收到喜帖，實在不懂得怎樣應對才好！沒想到今時今日還會有如此厚面皮的人，他指：「星期一返新工，HR帶咗我去唔同部門打招呼，跟住lunch time嘅時候冇啦啦有個同事過嚟，話佢嚟緊結婚，就畀咗張請帖我，但明明我先第一日返工 ，佢到底係幾咁缺人先會咁做……」
Advertisement
然而，這類情況真的經常發生，很多網民都覺得大家要有拒絕人的勇氣！於是紛紛提出方法！（按圖了解）
網民：「我會當無收過！」
網民：「咁佢又派得落手嗰吓勁喎！不過可能係所有人有你冇，佢禮貌上先派畀你，你同佢唔熟，先第一日返工，可以當冇呢件事發生。」
網民：「傻的？嘢都冇講過。」
網民：「係我嘅話，我會當冇收過！第一日返工，連你係邊個都唔識就請，好尷尬！」
網民：「會唔會人哋係費事唔畀你尷尬呀，你喺度做嘢，之後都成日見，唔係一陣派咗其他人，又唔派你，好似專登唔歡迎你咁。」
網民：「其實可以淨派張餅卡，唔使帖嘅。」
網民：「舊公司嗰陣有同事試過，佢直接答：『吓？我返咗兩日咋喎？』」
網民：「唔好去，去婚禮要識先有意思，你連佢幾歲、全名叫咩、幾時生日都唔知，就去佢婚禮見證有咩意思？」
網民：「只要佢唔尷尬，尷尬的就係你！」
網民：「我會覺得好尷尬，如果淨係派餅卡我覺得都可以接受，但前題唔係。」
網民：「連名都叫唔出喎大佬！去到做乜呀？」
網民：「佢可能諗住喺婚宴日期前會同你熟咗！」
網民：「點解今時今日都仲有啲人咁厚面皮……」
延伸閱讀︰【結婚開支2023】港人結婚平均使費升9%逾40萬 人情中位數維持$1,000至$1,500
禮貌直接拒絕
很多網民都直言事主的同事實在有點誇張，連名字都叫不出口的新同事竟然派予喜帖，想別人給你人情，都真的挺不要臉呢！有網民分享，有同事試過如此情況，然後直接回答：「吓？我返咗兩日咋喎？」雖然好笑，不過其實不那麼大體，要拒絕都可以有禮貌。
簡單一句：「不去了，謝謝。」、「唔得閒，謝謝。」然後補多句「恭喜晒！」便可以，不用解釋太多，既然與對方不相熟，對方都不好意思再問吧？真的再問的話，重複回答便可。
延伸閱讀：【職場文化】懶醒同事做事馬虎 唔肯認錯 網民：日日喺度呃糧！
延伸閱讀：【職場文化】最怕收到唔熟同事嘅紅色炸彈！網民：有幾難拒絕？
延伸閱讀：【職場穿搭】老細忽然興起想大家夾dress code返工 大呼：一齊着校服！
最新專訪片︰
【Office豪華旅行團】捷成集團善用辦公室空間與員工同樂 每隔個星期都有Happy Hour！
