Next
【投考ACO丨全年招聘2025】考咗3次ACO都失敗 事主究竟衰喺邊？一文睇清助理文書主任入職條件/人工/晉升/申請程序
【投考ACO丨全年招聘2025】考咗3次ACO都失敗 事主究竟衰喺邊？一文睇清助理文書主任入職條件/人工/晉升/申請程序
2024-12-06
【投考ACO攻略｜助理文書主任全年公開招聘】政府工被譽為職場上的鐵飯碗，自然唔易考，當中的ACO（助理文書主任）更是人人「爭崩頭」。經過技能測驗篩選後，只有約16%考生成功進入面試環節。最近有網民於網上討論區發文，指自己由2016年開始報考ACO，經歷三屆面試仍然名落孫山。更令人頭痛的是，明明面試中問到的時事題、處境題都對答如流，加上英語會話流利，究竟問題出自哪裡？臨近新一屆招聘，面對困難重重的面試到底應該如何應對？
Table of Content
【投考政府攻略】
《基本法及香港國安法測試》CRE/BLNST考試攻略
助理文書主任（ACO）丨懲教署丨警察丨入境處丨飛行服務隊
即睇事主經歷：
投考ACO｜故事分享
事主︰「2016年已經開始報，經歷埋2018、2020年，點知三屆都Reject咗我。如無意外下年又會開始新一屆招聘。國安法呢啲嘢背到滾瓜爛熟啦，佢考我我倒轉背都仲得。問題係佢問埋啲時事題、處境題我正常咁答、英文讀得流暢都照Reject，到底係咩事？究竟考到嘅人係咪大部份都大公司出身、起碼兩年或以上工作經驗、空窗期唔超過三個月？」
即睇網民回覆：
網民留言︰
A︰嘥氣啦。僧多粥少，每次招聘隔19個月，平均有33,831人申請但平均淨係取錄2,349人⋯⋯不過個機率都大過中六合彩。
B：呢類基層工真係值得考咁多次？
C：大學畢業考三次，AO、EO呢啲就值得，ACO就真係算吧啦。
D：可以試下改變策略，就係放棄。
E：樓主咩學歷？三大畢業穩陣啲⋯⋯
F：政府工⋯⋯呢啲嘢好睇緣份。
G：政府請人其實好random，畀你入到政府做都未必係好事。佢哋政府派人去各部門完全唔會睇下條友有乜經歷，例如有人以前做開客服，居然都唔派返佢去Counter位，求其派佢去個Filing位⋯⋯
H：個考官見你之前已經Screen好你份Profile，有哂心水係咪請你，入到房望多你兩眼就決定請唔請，之後嘅問題環節純粹做樣。
I：既然英文好，又好記憶力，點解唔試下其他職位？EO、AO每年都招人，其他政府部門都好需要人手，既然有能力點解唔試？
J：莫講話考ACO，我覺得連考CA都勁難！好難答到考官心目中嘅答案，睇嚟下次真係要提早做足準備啦！
延伸閱讀︰【職場調查】Z世代唔受歡迎？4成管理人員避免僱用應屆大學生！全因1個理由？
投考助理文書主任ACO的常見問題
想投考助理文書主任(ACO)，須具備哪些入職條件？
答︰根據政府的資料顯示，現時投考助理文書主任(ACO)的申請人，必須具備以下學歷要求︰
1/ 香港中學文憑考試5科取得第2級或同等或以上成績，其中一科為數學，或具同等學歷；或香港中學會考5科取得第2級/ E級或以上成績，其中一科為數學，或具同等學歷
2/ 符合語文能力要求，即在香港中學文憑考試或香港中學會考中國語文科和英國語文科取得第2級或以上成績，或具同等成績
3/ 中文文書處理速度達每分鐘20字及英文文書處理速度達每分鐘30字，並具備一般商業電腦軟件的應用知識
4/ 在《基本法及香港國安法》測試取得及格成績
ACO申請人要參加技能測驗嗎？
答︰要。只有通過技能測驗的申請人才會獲邀參加面試。申請人通常會在參加技能測驗後10個星期內獲邀請參加面試，否則可視作已經落選。
助理文書主任ACO的技能測驗要考甚麼？
答︰中及英文文書處理速度測驗、一般商業電腦軟件應用知識測驗，包括Microsoft Office Word 2016及Excel 2016。
助理文書主任ACO人工有幾多？
答︰助理文書主任ACO的每月薪酬是由總薪級表第3點（$16,695）至15點（$34,060）。
助理文書主任ACO的晉升階梯是如何？
答︰助理文書主任可升至文書主任 (Clerical Officer，簡稱「CO」，總薪級表第16點（$35,775）至21點（$45,640），以及高級文書主任 (Senior Clerical Officer，簡稱「SCO」，總薪級表第22點($47,795）至27點（$60,065)，兩個職位的平均晉升年資分別約15年及28年。
助理文書主任ACO有甚麼員工福利？
答︰公務員可享的福利，視乎個人職級、服務年資、聘用條款及其他規例而定，包括醫療及牙科福利、教育津貼、房屋福利、假期、退休福利及旅費等。
現時做公務員的退休年齡是甚麼？
答︰在香港退休金法例規定下，按可享退休金條款受聘的公務員在舊退休金計劃和新退休金計劃下的正常退休年齡分別為55歲及60歲；而退休金法例亦規定，紀律部隊人員在新退休金計劃下的訂明退休年齡為55歲或57歲。
如何申請助理文書主任ACO職位？
申請人必須透過下列其中一種方式遞交申請書[G.F. 340 (Rev. 7/2023)]
(a) 透過公務員事務局網站遞交網上申請（https://www.csb.gov.hk/tc_chi/recruit/7.html）；或
(b) 郵寄申請書到聯絡地址，並在信封面註明「申請助理文書主任職位」。如郵寄，信封上的郵戳日期將視為遞交申請書的日期。為避免延誤或未能成功派遞，在投寄前請確保信封面已清楚印上或寫上正確地址及已貼上足夠郵資。所有郵資不足的郵件將不會派遞至本局，並會由香港郵政按情況退還寄件人或銷毀。申請人須自行承擔因未有支付足夠郵資而引致的任何後果。
【有意申請ACO，可參考以下網站了解更多詳情】
https://www.csb.gov.hk/tc_chi/admin/grade/cs/2323.html
延伸閱讀︰【職場大不同】合約、長約老師待遇差別大 老師仲有分邊幾種？
綜合招聘考試及《基本法及香港國安法》測試
在香港投考公務員一般都需要完成綜合招聘考試及《基本法及香港國安法》測試。根據政府的資料顯示，綜合招聘考試包括3張各為45分鐘的選擇題形式試卷，包括英文運用（評核英國語文能力）、中文運用（評核中國語文能力）及能力傾向測試（評核推理能力）。
英文運用及中文運用試卷
- 成績分為二級(最高等級)、一級或不及格
- 二級及一級成績永久有效
能力傾向測試
- 成績分為及格或不及格
- 及格成績永久有效
《基本法及香港國安法》測試
- 設有中英文版本的選擇題形式試卷，全卷共20題，須於30分鐘內完成。
《基本法及香港國安法》如何才算及格？
- 如在20題中答對10題或以上，被視為及格，而持有《基本法及香港國安法》測試及格成績的申請人，日後將不會被安排再次應考《基本法及香港國安法》測試。
延伸閱讀︰【職涯規劃】決定人生關鍵10年？20歲與30歲的10個差別
面試失敗唔知衰咩？即刻睇睇有無觸犯以下面試致命小動作。
Look out for further updates on our Facebook fan page!
Latest IT Salary Trend
-
View Jobs35kMedian Salary
-
View Jobs35kMedian Salary
-
View Jobs25kMedian Salary
-
View Jobs21kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!