Advertisement
為升職加薪，很多打工仔都會摶盡，務求以勤奮的工作表現贏得老闆賞識。然而，若因為努力工作而破壞了日常生活的平衡，這種不辭勞苦的工作模式又是否值得加許，及換來同事的尊重？有網民於香港討論區發文，指有同事「鬼上身」，每天上班早到遲走、搶佔工作甚至頂替分工⋯⋯樓主對此大惑不解，一眾網民們又有甚麼評價？
延伸閱讀︰【職場熱話】畢業後數年原地踏步 羨慕朋友步步高陞 網民：自然有日唔會再比較
即睇事主經歷：
樓主：「唔知係咪我一直以嚟對打工嘅睇法唔啱呢？打份工啫，有無需要做到早到遲走、有嘢第一個搶住做，甚至搶埋你嗰份做、放飯有時連飯都唔食⋯⋯其實公司出糧你返工，你只要做到本份咪夠囉！咁樣為公司仆心仆命值唔值得呢？唔知呢種同事有咩原動力呢？」
網民留言︰
A：人哋咁做係對自己有要求，有時候唔係為公司，係個人性格。
B：個人問題。有啲人將工作當成一種精神寄託，所以做嘢好上心，又或者佢工作狂之類。
C：專注工作好過成日講是講非嘅同事啦！
D：好明顯係個人責任感問題。啲地盤工有時就算唔需要自己出現嘅，都會唔放心返去睇住。
E：間中早少少打點無問題嘅，自己一向預鬆時間，塞車另計。
F：做唔係問題，問題值唔值得同你做。
G：多嘢做早返遲走無問題，但有啲同事明明唔係咁忙都特登返早留夜，咁就好奇怪⋯⋯
H：你絕對可以交行貨，但係第時唔好問點解無得升！
I：你同事咪好囉，搵到份自己鍾意嘅工！ 做自己真正喜歡做嘅嘢而又有收入， 真快樂。
J：打工都係一紙合約，收錢做嘢係本份但唔應該Over囉。同埋要睇老闆係咩人，如果係算死草嘅話，明明係自願佢都會當係應份。
延伸閱讀︰【職場星座】天生就係社交達人？即睇12星座社交高手排行榜
如何調整工作心理？即刻睇睇7個個快樂上班秘訣。
延伸閱讀：【職場熱話】打工仔應否為工作搏命？網民：但求心安理得
延伸閱讀：【職場熱話】年資20年打工仔 分享快樂上班秘訣「認真負責不等於賣命」
延伸閱讀：【職場辛酸史】人到中年對工作失去動力 事主：返工唔知為乜⋯⋯
最新專訪片︰
【Office豪華旅行團】領展辦公室佔地10萬平方呎！ 重視員工工作與生活平衡
