Advertisement
打工仔返工壓力大是普遍的現象，適當的壓力可以令人進步，不過過多的壓力則會造成生活上的不便，嚴重的更會引發不少情緒問題，為身心皆帶來負面的影響。近年很多人都開始注意自己的精神健康，確實，這是一個不容忽視的問題。
延伸閱讀：【聖誕職場】一返工見到自己枱面有禮物 原來係男同事送！事主：得我一個有…
有網民在討論區Dcard上以「返工返到身心都好似有問題」為題發文分享，指自己現時的工作實在使自己很大壓力，日日返工不開心之餘，身體更出現一些不良的反應……
Advertisement
即睇事主分享及網民回應：（按圖了解）
事主：「呢份工應該係我有史以來返過最差嘅一份工，每隔幾日就有同事喊，我都係其中一份子。辛苦做咗嘅嘢，畀人搞到冇晒，想要個解釋換來嘅就係冇人理。每日做極都做唔完嘅嘢，頂唔順，都係放工放到第二日繼續做，死做爛做都係做唔晒，老闆完全冇管理，我哋負荷過重就畀隔籬Team鬧。
而家連食飯都要一路食一路做，每日做到頭暈心跳加速，手震腳震，但係都唔可以停，因為你嘅嘢冇人會幫你做，趕唔切就會有人嚟鬧你，你嘅上司係唔會幫你，因為佢乜嘢都唔識仲會踩多腳。
我諗有一定部份嘅人返緊嘅工都唔係自己鍾意嘅嘢，情況差啲就會日日都好唔開心，最無奈嘅係唔開心都解決唔到，話搵工都唔係好快搵到，唯有安慰自己呢個係磨練同埋快啲搵工……」
網民：「諗住拎埋bonus走，hea埋呢一兩個月會開心啲。錯咪錯，公司賺多咗自己又冇份。」
網民：「嘩！你頭暈、心跳加速、手震腳震，其實真係已經好嚴重！辭職係不能再拖！同埋要去睇睇醫生！」
網民：「唔好再話係磨練，磨練係喺自己能力範圍應付到先係磨練，你哋成間公司工作氣氛咁差，你頭暈手震嗰啲反應真係可大可小，認真面對呢個問題，先照顧自己嘅情緒先！」
網民：「好恐怖，其實唔一定要喺咁差嘅情況下磨練自己，搵工轉工從來都係自己決定，唔好再為自己搵借口。」
網民：「點解而家咁多香港人唔注重自己精神健康？平時傷風感冒發燒你會識去睇醫生同埋休息，但自己出現情緒問題，影響到生活，都仲覺得係磨練？」
網民：「你快啲辭職，咁嘅工點做！」
網民：「食飯都一路食一路做，你做咩工呀？咁大壓力，你點做一世呀？轉工啦！」
網民：「反正你已經試過最差嘅環境，有嘢可以輸之下，仲唔辭職轉工？」
網民：「返工實係唔開心又未必係自己鍾意，不過容忍都有個限度，你身體畀晒警號你，你都仲打算無視嗎？」
網民：「間公司你開？唔係嘅話，仲唔走？」
網民：「有困難而又見唔到出路嘅感覺真係好差，我都好明白，你要知道唔係間間公司都係咁，所以，好建議你快啲離開呢度，出去闖闖！」
什麼是工作壓力？
當一個人因為周遭的變動，產生超出能力可負荷範圍的沉重感，就是所謂的「壓力」，其判定標準是主觀（subjective）的。惡性（malignant）壓力會影響人體的犒賞系統（reward system）、記憶、免疫、新陳代謝（metabolism）和疾病易感性，長期累積會對身心造成嚴重傷害。工作壓力又可以稱為工作應激（job stress）、職業應激（occupational stress）、職業緊張或是工作緊張。
在職場這種動態環境下，面對被指派的要求或是上司、同事的期待所產生的心理壓力，就被稱為「工作壓力」。常見的工作壓力包括：工作負擔過重、責任制職缺（exempt employee）、上班時間過長或不規律、臨時變更工作崗位等。
工作壓力造成的負面影響
適量的壓力可以鞭策自我，進而提升工作效率。然而若有過量的工作壓力卻無從排解，就會引起反效果，造成生、心理上的不良結果，出現如職業倦怠（job burnout）等現象。久而久之就會出現惡性循環，使得工作效率降低、工作厭倦、缺席率（absence rate）提高。在生理上，也會開始有失眠（insomnia）、情緒激動、長期疲勞（fatigue）等症狀，甚至出現慢性病。
所以，事主實在應該要正視問題，好好為自己減壓，如果運動、飲食和生活都處理不到這股壓力，就得找醫生幫忙。記住，情緒病就如腦部出現感冒，只要有適當的治療就可以康復，相反，不加理會的話就只會惡化，所以請別害怕，找出源頭再慢慢治理。有時，辭職不代表自己軟弱，而是公司本身的文化可能存在根本性的問題，別太過扭曲自己去迎合而令自己的身心健康受影響，當接收到壓力的訊號就要懂得叫停！
延伸閱讀：【聖誕職場】一返工見到自己枱面有禮物 原來係男同事送！事主：得我一個有…
延伸閱讀：【聖誕職場】被迫參加公司聖誕party 老細投訴太靜 打工仔：唔識social唔使生存？
