網民：「我覺得係你間公司嘅同事問題，有冇拍拖、已婚，跟工作係冇咩關係。放假=唔使做嘢，自己嘅個人時間，你唔需要幫任何人、唔需要OT！」
網民：「咩冇咩理由，擺明話收咗工囉，你又唔係有股份，做返你duty 內嘅嘢咪ok。」
網民：「可以話一早約咗班朋友開party，好難先齊人（拍拖唔係大晒）」
網民：「話約咗朋友、屋企人咪得。」
網民：「你嘅工作即係我嘅工作？咁你女朋友係咪我女朋友呀？」
網民：「冇拍拖都可以約咗朋友啫。」
網民：「我身同感受！不過有拖拍都好煩，會成日八卦我另一半係點！又話我另一半係隱形，無見過。都唔明關佢哋乜事！係呀我係扮有！咁點呀！」
網民：「吓？你內疚乜嘢！冇嘢做唔等於要處理公司事，你休息都係合理，係光明正大，你實在唔應該覺得內疚！佢哋班人有冇內疚？」
網民：「『冇原因』？放假唔係原因？你冇另一半，但你都冇朋友冇屋企人咩？佢哋唔使你陪咩？唔識拒絕人都係一個職場死症嚟！學吓say NO！」
網民：「唔一定要串人掛住拍拖，只係你為自己爭取合理嘅休息時間，我覺得樓主嘅思想都好有問題，呢個好似好慘嘅情況其實係你自己一手造成，係你縱容啲同事。」
網民：「你啲同事都真係幾乞人憎，不停情緒勒索你？」
網民：「同事厚面皮，你亦可以更加厚，出聲叫你幫？OK，但唔該喺辦公時間內，out of 辦公時間你理得我有冇嘢做，我唔陪人都可以陪自己，唔需要一定有原因先可以休息，個原因係因為我已經放工！」
網民：「樓主真係要好好學識為自己爭取，你咁樣落去只會不停畀人搵着數，然後自己又唔開心，屈屈吓小心有情緒病！」