事主：內地同香港嘅文化差異真係好大，上司日日開口埋口「要破格」、「要創新」，但係口中嘅破格創新靈感來源係嚟自小紅書同抖音。

事主：啲想法五時花六時變，唔緊要，你係老闆⋯⋯但著手緊嘅計劃會因為佢前一晚睇到抖音啲拍攝手法就全部叫停，由頭再做過。

事主：然後再話你工作能力差，盛讚自己好有創意，大家都要學吓⋯⋯

事主：呢段時間，有年資不同嘅同事緊接住走，直頭等緊退休嘅都寧願辭職。

事主：日日只會同同事講「公司無咗你唔會唔得㗎！自己檢討吓自己⋯⋯」，但從來無檢討過公司最應該無嘅係佢自己。

事主：不停貶低員工價值再同你講要團隊合作，真係唔識合作落去！

事主：就算高人工，跟住呢啲老闆都覺得浪費光陰！

網民：老闆又係乜都唔識、鍾意認屎認屁，成日喺Group講埋啲大道理，仲要求同事一定要回覆，覆慢咗會畀人鬧。咁樣夠唔夠癲？

網民：內地女上司就未試過，反而內地男上司就試過，而且仲幾好。我諗我都算好彩⋯⋯

網民：其實都係睇人，我跟過內地女上司，講嘢有文有路、又唔會擺高姿態、對工作有要求。喺佢身上學到唔少嘢。我自己都培養過另一個內地女仔做接班人，升遷後原本條Team對佢好多好評。用人唯才，咩國藉背景其實無關係。

網民：呢種人唔識做人，唔適合做管理層，性格有問題。