Advertisement
成世人流流長，唔通真係要被一份工綁成世？新世代或許明瞭這個道理，不再視工作為人生唯一目標。但若想做到「返工唔係為錢」，這種想法在這個世代未免太過天馬行空。有連登網友發文引起討論，指人生在世，不應該只執着於工作所帶來的所謂「規律生活」、「擴闊社交圈子」、「有成功感」，冀求「有啲世藝」，為金錢而工作。不知廣大連登網民對這種說法又會有何見解？
按圖了解事主睇法：
事主：好多工種嘅盡頭畀盡你都係十幾萬月薪，其實真係大把香港人唔志在，收下息都唔只呢個數啦！
事主：但點解都仲有咁多人要返工？我個人認為係返工帶嚟嘅「規律生活」、「有啲世藝」、「社交圈子」、「價值感」。
事主：但係你哋到咗中年就會明，無咗份工綁住你，好多人真係會頹到影響身體健康；喺屋企又會同屋企人諸多嗌霎。
即睇網民回覆：
網民：唔係為錢就嗱嗱聲退落嚟，畀啲後生上啦！咪阻住晒。
網民：返工唔係為錢嘅話咁你不如做義工啦！又幫到人。
網民：你唔係做義工就唔好同我講「返工唔係為錢」！
網民：咁樣證明咗你人生真係好無聊，識人3-40歲搵夠就唔撈退咗休。不如你都效法吓？
網民：「規律生活」、「有啲世藝」、「社交圈子」、「價值感」⋯⋯呢啲全部唔使靠返工都可以有，有錢就得！實際上有八成人因為返工先會失去呢四樣嘢！
網民：「十幾萬月薪、收息唔只呢個數」？十幾萬一個月嘅香港人3%都唔夠。
網民：本身已經有錢咪可以返工唔為錢囉！
網民：識人幾層樓收緊租、炒下股一個月20幾萬被動收入，但都繼續返月入5萬幾嘅工，仲成日OT到8、9點。問過佢做乜仲咁搏，佢話小朋友都大，唔會點理你，唔返工又太悶⋯⋯
雖然積極工作會給予上司良好的印象，但自身健康同樣重要，切忌被工作壓力拖垮自己。若為搏取上級賞識而忽略自身身理／心理健康，可謂得不償失。
即刻了解5大員工感疲憊壓力來源！（點圖了解更多）
延伸閱讀：【職場辛酸】生活模式似倒模 樓主：無必要都唔想出街
延伸閱讀：【職場生活】返工朝九晚六私人時間少 網民齊數每晚個人活動
延伸閱讀：【職場熱話】title定係人工重要啲？網民：細公司做Director都無人覺得你勁
延伸閱讀：【職場貼士】想擺脫朝九晚五？成為自由工作者的3大關鍵
最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮
