Advertisement
情人節將近，亦代表女同事會藉自己的收花次數炫耀自己的受歡迎程度，這種情況相信資深的職場人士已是屢見不鮮。然而，這種風氣或有望被終結。近日有網友於香港討論區發文，指人事部適逢情人節向公司全體員工發出郵件通知，提醒女同事切勿使人將鮮花送上辦公室。雖然新入職的樓主人生路不熟，但有知情同事竟然爆料，道出公司下達收花禁令的原因⋯⋯
即睇事主分享：（按圖了解）
事主：今日收到HR嘅Email提醒，叫各位女同事今年情人節盡量唔好叫人送花上Office。
事主：我呢份工只係返咗差不多半年，唔知上年咩情況。
事主：我多口問吓同事咩事，上年情人節正常應該WFH，唔會有人送花上Office？
事主：原來係前年2月頭開始，公司每日都有唔同嘅女同事收花收到2月14，搞到有啲同事敏感⋯⋯
事主：情人節真係女人之間嘅鬥爭。今年HR講到明唔可以送花上嚟，睇嚟應該有好多女同事可以慳返筆，唔使自己買花畀自己。
即睇網民回覆：（按圖了解）
網民：女同事唔收得，咁男同事收得唔得？又或者送假花得唔得？
網民：應該係有啲管理高層自己人老珠黃，見到啲青春女同事收花覺得無癮、頂住條氣！
網民：一早就要咁做啦！年年都搞到樓下個Reception唔知似乜⋯⋯
網民：送膠花咪唔會敏感囉，但啲女同事嘅男朋友就要慢慢努力「癡膠花」⋯⋯
網民：唔准送花去Office，咁咪安排去樓下交收囉。你有張良計，我有過牆梯！
網民：成班同事試吓夾埋玩嘢送兩紮劍蘭、白菊畀HR阿頭，睇吓佢點解釋。
網民：個HR係咪單身女人，見個個有花收唔順氣，自己無，人哋都唔可以有？
網民：我估都係HR女阿頭無花收，所以要全公司女同事陪佢。
一派人又想將自己的追求者公諸於世；另一派人又對這種行為心存芥蒂，可謂順得哥情失嫂意。要做到所有人都稱心滿意實在有難度，以後再遇到這種情況，人事部的同事便要謹慎計劃應對方法了！
鍾意咗同事想高調示愛？衝動表白前切記3要點！（按圖了解）
過時過節公司多生事端？即刻按圖了解更多職場節日大矛盾。
延伸閱讀︰【除夕】唔好畀同事知道你冇拍拖！單身打工仔：逢節日所有突發事都要我處理…
延伸閱讀︰【聖誕Party】同事包禮物包到垃圾咁 事主：睇見都唔開胃⋯⋯
延伸閱讀︰【冬大過年】冬至8大禁忌 湯圓要食雙數、情侶千萬不可以OO……
延伸閱讀︰【中秋節】Intern拎月餅當散水餅令同事不滿 Last Day上班8件必做的事
最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮
