網民：「個個都以為靚女，喺職場上一定有着數，但我可以肯定同大家講，呢樣概念係錯嘅！

1. 由見工講起，如果in你嘅係老闆，而佢係男人+唔係單身，你in得成嘅機會起碼減半，就算你有好靚嘅CV都咁話！或者你會話冇可能，但事實就係，佢哋當然心裡好恨請你，但請你嘅代價好大，因為如果畀佢老婆知道請個超級靚女，佢一定水洗都唔清，除非老婆好信個老公。所以唔係老闆唔想，而係唔敢。

2. 你性格好好，都一定會畀一堆女同事唔鍾意，甚至排斥。因為就算你唔fight for啲咩，總有一堆男同事對你自動獻殷勤，其他女同事一定覺得睇唔順眼。

3. 升職條路難行好多！可能你又話，唔係卦，點會吖！我答你，會，難就難在你升得好冇說服力，因為大家永遠覺得你係花瓶，冇咩生產力，所以你要比一般人做多好多嘢，能力顯得更明顯，其他人條氣先順。

4. 你比任何人都更加唔可以做錯嘢，因為只要你上司同合作嘅同事係男，佢哋一定對你寬仁啲、double standard啲，最後回歸第二點，其他女同事條氣會唔順。

淨係呢幾種，已經講到點解生得靚返工係原罪。」

網民：「咁其實醜樣都係一樣啫。」
網民：「生得太靚女係唔會畀人排斥，只有生得太靚女又發姣先畀人排斥。」
網民：「係都只比女同事排斥，仲有男同事好歡迎。」
網民：「有畀人針對過，但應該唔關我個樣事。（全公司一大堆長輩，上晒年紀，男女都有，女嘅比例較多）」
網民：「十分正常，經常，你唔發姣，人哋都當你發姣！」
網民：「睇嚟樓主應該有好多辛酸史，但你都幾好，起碼夠貼地。」
網民：「係囉，好過某啲唔係好靚但自以為自己好高高在上，香港地真係一街都係咁嘅人。」
網民：「老實同你講啦！生得靚好着數！」
網民：「生得靚係原罪，生得醜係死罪。」
網民：「我因為太靚仔，畀上司玩……」
網民：「生得靚，又唔畀人排斥，技巧多過生得醜嘅多好多。唔會個個因為咁排斥你，但一定有囉。」