Advertisement
許多人為了凸顯自己的工作能力，或者為了與外國同事溝通順暢，會在工作中大量使用英語。然而，這種現象在其他同事眼中或會變成一種造作的行為，招惹他人的妒忌。有網民於香港討論區發文討論，指公司的新同事因為經常使用英語與外國客人溝通而得到上司的歡心，然而在事主眼中同事這種造作的行為卻令其感到心煩意亂，不禁萌生耍手段逼走新同事的念頭⋯⋯
即睇事主經歷：（按圖了解）
事主：話說有個同事遲過我入公司，但係就好得阿姐歡心。
事主：原因就係佢成日扮晒嘢同客溝通嘅時候喺度講英文，可能阿姐就係因為咁覺得佢Talk得。
事主：但我真係好睇唔過眼，得把口就可以令阿姐偏心佢一個？
事主：有咩方法可以整走佢？
即睇網民回覆：（按圖了解）
網民：想喺職場上位，Talk得真係好著數。你發覺上到位嘅高層職員絕大部份好Talk得，但唔少人真係得把口呃吓人，實際無乜料、靠把口上位。
網民：你自己都要有本事先得，如果你同外國客溝通得好，你阿姐都會鍾意你啦！
網民：你自己能力不及人，整走佢對你都無好處⋯⋯
網民：斷人衣食猶如殺人父母，樓主你都係唔好搞咁多嘢啦⋯⋯
網民：自己唔掂先至想人走，好普遍嘅小人心態。
網民：既然你講到知道對方手法，如果你真係有料嘅，你做得好過佢咪得囉。但如果你係無料嘅，我勸你一係進修吓，一係小心自己個位好過啦！
網民：原來你整走咗佢，你嘅英文就會變好，真係令我大開眼界！
網民：點整走佢？幾個月後佢升職坐房做你上司咪得囉！
網民：你下次試吓喺上司面前同客人講法文，可能佢即刻對你加晒分！
網民：淨係識用埋晒啲旁門左道，你不如諗吓點樣保住自己個位先啦！
大部分網民都認為事主的想法幼稚，即使成功逼走新同事亦難以就此得到上司的賞識，與其絞盡腦汁使計逼走同事，「不如諗吓點樣保住自己個位先」，亦有其他網民建議事主嘗試好進修英語，提升自己的競爭力，才能堂堂正正走出新同事的陰影。
即睇10個職場常用短語動詞，助你提升工作效率及專業性。
即刻按圖了解更多職場人際關係。
延伸閱讀︰【電子支付】用現金畀錢被嘲落後 同事：依家個個都用電子支付㗎喇！
延伸閱讀︰【職場人際】完美主義同事做嘢Chur到盡 事主：原本輕鬆嘢都變得好難做！
延伸閱讀︰【職場人際】遭同事以不友善態度對待 網民：忍無可忍就唔使再對佢客氣
延伸閱讀︰【人際關係】與富二代老闆爭執被秋後算帳 罪名：嚴重違反職場規定
最新專訪片︰
【星級斜槓族】Win Win楊安妮無悔拒入COLLAR 感恩可平衡藝人及跳舞老師兩個身分 報名《造星IV》時竟向193示愛？！
