Advertisement
以前不少企業為求促進生產力，都會實行6天工作周，延長員工的工作時間。但時移世易，現今大部分香港企業都開始着力改善員工待遇，跟隨「銀行假」實施5天工作。有網民於香港討論區發文討論，指自己不解現今的香港職場中，為何仍然存在「6天工作」的制度，令員工不得不面對更長的工作時間和更高的工作強度，變相縮短自己的休息時間⋯⋯
即睇樓主分享：（按圖了解）
樓主：呢個年代，個個都係打份5天工作嘅工，有兩日假都未必夠時間做自己嘢。
樓主：有啲工要返5.5日都窄窄哋，但都仲有人會做⋯⋯
樓主：但係都2023年啦，邊有人仲會做嘢做6日？完全無晒私人時間⋯⋯
樓主：班老闆真係當我哋班打工仔仲係70年代啲咕喱咩？
即睇網民回覆：（按圖了解）
網民：仲要返6天嘅公司真係好唔人道！
網民：身在福中不知福，仲有好多服務性行業都仲係返6天工作，放勞工假！
網民：講文職就啱，但不適用於其他工種。香港除咗文職仲有好多工㗎⋯⋯你問吓Sales、清潔工人、酒樓、保安嗰啲1星期返幾多日？
網民：失業最好，一個禮拜7日都係私人時間。
網民：依家到我哋話事咩？就算到我哋話事嗰日，都可能仲行緊6日返工制。
網民：我一星期返4日，每日6小時工作都嫌多！
網民：樓主係咪未打過工？出面好多服務性行業都係返6天！
網民：其實5.5日咪即係6日，星期五想玩夜少少都唔得。加上好多活動都做唔到，唔通下午3點幾開始行山咩？
網民：寫字樓想返6日工都唔得，又外國同事放假、內地廠房又放假⋯⋯
網民：真，好多外國公司都係返4日工，仲可以彈性上班。
大部分網民都認為樓主身在福中不知福，不知民間疾苦，忽略了香港一眾服務性行業工作者都需要輪班工作，甚至經常需要加班工作。但另一邊廂，亦有一批網民認同香港一些公司實行6天工作的確會讓員工感到私人時間嚴重不足，「星期五想玩夜少少都唔得」，表示希望未來一些公司能夠推行實行4天工作，減輕員工的工作壓力。
覺得一個禮拜返6日工好辛苦？即睇5個送貨員日常工作辛酸：
即刻按圖了解更多職場文化。
延伸閱讀︰【職場文化】女性比男性更適合擔任管理層？ 網民：才能有分性別㗎咩？
延伸閱讀︰【職場文化】同事Last Day唔記得派散水餅 事主：真係一啲都唔上心⋯⋯
延伸閱讀︰【職場文化】歐美資 vs 中港日資公司！樓主：完全2個世界
最新專訪片︰
【星級斜槓族】Win Win楊安妮無悔拒入COLLAR 感恩可平衡藝人及跳舞老師兩個身分 報名《造星IV》時竟向193示愛？！
