Advertisement
大學畢業後，人生一大部份時間都在工作中度過，即使擁有5天工作周，休息的時間好像也不太足夠。一位打工仔便在連登討論區留言，他表示自己上班後失去私人時間和精神力，慨嘆還要浪費多少寶貴時間在工作上，還要「捱」多長時間......網民回應分分鐘捱到70歲？
延伸閱讀：【拍拖分手】男友一星期返5日工 預留周末陪女友 竟被嫌太少！
按圖即了解事主分享和網民回應：
事主：「返工日子冇晒私人時間，放假日子冇精神，我仲要捱驢仔捱多幾多年。」
網民：「返多幾年，你就會覺得無乜所謂，因為你個人靈魂已經磨滅得七七八八。放工無私人時間？無所謂，反正返到去淨係想瞓覺。放假無力玩？都無咩啫，淨低嘅興趣越來越少，出街都無咩好做，朋友越來越唔得閒理你，咪一個人喺屋企抖吓囉。到星期一又loop過，每月等出糧，每年等清假出bonus去吓旅行。This is life。」
網民：「無父幹又無能力嘅可能要挨到70歲。」
網民：「有埋小朋友就全程付出。」
網民：「外國一樣，5點前已經走晒，做嘢無交帶，話放假就放假，缺點多不勝數。」
網民：「香港搵唔到錢咪去外國，起碼有work life balance。」
網民：「到65歲嗰陣可能傾緊75歲退休。」
網民：「有Friend生咗兩件，有個小二要日日6點起身煮早餐送返學，有個bb每晚都喊搞到瞓唔到，本身自己份工仲要返10am-8pm，返到去仲要煮晚飯同幫個仔溫書，星期六日又要湊去補習，無見佢一排個樣殘咗勁多。」
網民：「大學畢業返工人生先正式開始，大部分準時放工又有錢收又有annual leave，得閒周圍飛去conference social，讀書嗰陣又要做project考試placement，做學生就等supervisor做出氣包，忙過返工0 social life但仲要畀錢交學費。」
網民：「轉去做part time囉，到嗰陣時，你又話怕乜怕乜，炒散囉，做一個月抖一個月又得。」
有網民悲觀表示，若然自身能力差，家裏又沒經濟支持，可能過了退休年齡仍要工作。另一方面，亦有網民表示結婚生子後，私人時間只會越來越減少，照顧幼童時，隨時連基本睡眠時間也沒有。面對此等情況，有網民則表示如果到外國工作，有助尋求工作和生活之間的平衡。不過，除了休息時間，薪酬水平也是打工仔們最關注的事情，有打工仔話同一工種去外國跌一兩個grade？
延伸閱讀：【辭職跳槽】史上最癲辭職信 一連串炮轟8位同事：佢就係個披着豬皮嘅豬！
延伸閱讀：【職場熱話】 轉行轉出禍？打工仔：新工乜都要自學，好大壓力啊！
延伸閱讀：【職場熱話】 網民躁底點解HR成日唔夠Budget都叫人去見工 事主：個HR出嘅價少我而家嘅工成萬蚊！
最新專訪片︰
【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆
