Advertisement
一起食飯是與同事快速增進感情的有效方法，打工仔亦可藉此了解公司的環境。但若然遇到同事吃飯後拖數或不找數，真的會令人感到十分頭疼。開口覺得難為情，不開口又難以把飯錢追回來。面對這種情況，大家又會如何解決呢？
近日，有網民於Facebook專頁「辦公室專頁」上投稿，向一眾網民大吐苦水。他分享一次與同事外出吃飯不愉快的經歷，因同事忘記帶銀包，事主便先替她墊付。回到公司「追數」時，竟被同事怒斥：「幾廿蚊你都追，你有冇咁窮呀？」之後他更被同事踼出WhatsApp 群組。
Advertisement
按下圖即睇詳細經過：
事主：早幾日食lunch，有個女同事話唔記得帶銀包，問我借咗張八達通嚟「Do」，雖然呢啲嘢好平常，但係佢返到office之後並冇畀返錢我，我亦都係隔咗幾日先開聲問佢拎返錢。
事主：估唔到佢反應咁大：「你冇嘢呀？幾廿蚊都問返我攞，下次食飯我出返咪得囉！派咗消費劵喇喎，你有冇咁窮呀？」唔知佢係咪刻意提高聲量，定係我自己太在意，附近幾個同事都擰晒過嚟望住，坦白講，我當時覺得好委屈。
事主：正當我覺得好委屈好尷尬嘅時候，有個比較senior嘅男同事竟然代我開口還擊。然後嗰個女同事就死死地氣喺銀包摷咗張$50蚊紙畀我，仲大大聲話唔使找。
事主：最令我大開眼界嘅係，原來忍讓並唔一定會換嚟尊重，當日臨放工嘅時候，我畀佢踢咗出WhatsApp group。我開心都嚟唔切！終於唔使同呢啲人食晏，仲唔使自己quit group，我亦唔需要背負小家嘅形象，幾好！
按下圖即睇網民留言：
這則帖子引來不少網民熱議，紛紛留言狠批同事「賴貓」的行為；亦有部分網民表示事主不必啞忍，否則只會縱容她。其他網民則獻計，建議事主於辦公室内大聲「追數」，讓她覺得尷尬。大家又有其他建議嗎？
兩餸飯係打工仔恩物！但原來暗藏致肥陷阱？按下圖即睇4招食得健康又有營養！
唔想越食越肥？按下圖即睇8個撃退脂肪方法。
延伸閲讀：【撤銷隔離令】確診新冠老細要求照返工 被同事「歧視」要去後樓梯食飯
延伸閲讀：【職場文化】邊個話返新工第一日唔好帶飯？ 事主：成Team同事都帶飯搞到要買外賣！
延伸閲讀：【職場熱話】打工仔lunchtime返屋企補眠 竟遭上司訓斥 「有突發嘢搵唔到你點算？」
延伸閲讀：【職場熱話】同事好鍾意約人食lunch不停講公事 事主呻：人生係咪淨只得工作？
最新專訪片︰
【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆
