Advertisement
想要在職場上如魚得水，少不免要與同事打好關係，互相協助。可是，當面對脾氣古怪、行事怪異，甚至喜歡推卸責任的同事要如何與他們相處呢？一名打工仔在Dcard討論區發文表示自己遇上了一個「綠茶」（意指外貌清純、楚楚可憐且人畜無害，看似純潔實則擅於心計）同事，同事將原本負責的東西推給事主負責，當事主辦好後又批評其決策不當。同事做事喜歡「搬龍門」到底要如何應對呢？網民這樣說......
延伸閱讀：【職場熱話】 點賣甩放工同路同事? 網民嘆：唔想聽佢放負
按圖即了解事主分享和網民回應：
事主：「同隔籬team綠茶同事有合作，佢之前塞咗佢跟開嘅嘢畀我，我諗住算啦硬食， 點知轉頭佢就同佢阿頭講唔同意我做嘅決定，但奈何自己無say，一整個委屈豬咁，但其實我有同佢傾過，佢無話過反對。之後佢阿頭走去同我阿頭了解，我同我阿頭解釋咗件事，雖然佢無怪責我，但始終係自己畀咗位人入，而家口同鼻拗，又麻煩到人。之後仲要同綠茶同事繼續合作，自己又係啲喜怒形於色嘅type，如果黑口黑面實畀同事有機會繼續扮無辜搏同情，假笑扮friend我又做唔嚟，大家有無試過被人暗算？有咩可以分享吓？」
網民：「所有嘢經白紙黑字寫明。」
網民：「揀一樣：1.留喺度繼續食佢（你個位aka同事）啲垃圾，食到見醫生 2.同老闆傾，有你冇佢（講嘢包裝得好啲） 3.轉工。」
網民：「下次WhatsApp 佢『有冇意見？』到時佢出招就cap圖留底，prove佢講大話。」
網民：「同你阿頭講你同佢好多件事上觀點都好唔同，大家磨合唔到，可唔可以安排另一個同事同佢合作。」
網民：「我個人認為你黑口黑面好難贏，只可以扮melody，你扮唔到個樣冇相干！言語要melody！」
網民：「學到嘢啦，下次唔係自己嘅嘢就唔好掂。」
網民：「其實呢，你可以一開始就講：吓？唔知喎，有呢件事咩？你問我意見咋喎，單嘢你跟開，我點做決定呀？。」
網民：「咁要試吓點唔好喜怒形於色，唔好輕易轉工。」
網民再三提及，任何與同事討論的結果必須要白紙黑字寫明，以證明結論是經雙方同意得出的。事主可以使用電郵或通訊軟件等留下記錄，以對付不講理的同事並釐清責任誰屬。此外，網民更提醒事主不應該心軟幫他人做事，不然的話可能吃力不討好。
打工仔分享自己的辦公室生存貼士，按圖即睇！
延伸閱讀：【職場熱話】 轉行轉出禍？打工仔：新工乜都要自學，好大壓力啊！
