Advertisement
香港生活節奏急速，很多老闆希望用盡打工仔上班的每分每秒，導致職場上慢慢形成一種要求員工「準時到但遲走」的風氣。最近，有打工仔在連登討論區以「點解啲本地公司咁鍾意捉人遲到」為題，指自己因遲到1分鐘而被上司「詐型」。雖然準時上班是打工仔的職責，但有時侯上司過度嚴苛，可能會惹來員工反感。訂立清楚界線，平衡雙方利益，才是化解矛盾的最佳解決方法。
按圖即看網民留言：
Advertisement
網民 A：香港啲local準時放工好似有罪咁。
網民 B：睇公司，試過遲1分鐘都計錢，試過日日遲15分鐘都冇咩嘢。
網民 C：以前返某本地扮日本百貨嘅公司，official放6點幾，晚晚已經OT到9至10點走，但走嚟話我朝早遲到。
網民 D：我公司彈性工時，遲半個鐘返好正常，總之做晒啲嘢就得。
網民 E：雙重標準到傻！
網民 F：返過一間MNC，有次遲到10分鐘，個英籍manager唔喺office，但過兩日問我點解遲到。之後先知原來佢每日都會check返office入門口拍卡個record，過兩日我就辭咗職。
網民 G：香港有部分公司日日要你坐夠10個鐘先走，結果做埋啲垃圾出嚟。而家唔係做得耐=做得好=做得多。
網民 H：開會時仲好意思講要Work-life integration，即係將工作融入生活，有返工冇放工。
網民 I：返外國公司遲到早退，中途消失係基本嘢，但要有貨交。
網民 J：因為港資眼中，員工係幫老細搵錢嘅工具，當然要用盡佢嚟賺錢。
網民 K：通常早返工未必效率高 ，都係沖吓咖啡，睇吓新聞。遲返工嗰啲，一返到嚟就搏殺。結果，大家都係做同份量嘅嘢。
大多數留言區的網民皆表示認同，覺得準時下班有種莫名的內疚感。而在外資企業工作的打工仔，則指出了兩種職場文化的最大差異：一方要求員工「坐到夠」，工作效率為其次；另一方則着重工作成果，不介意員工在過程中投放多少時間。兩種文化各有好壞，差別在於員工如何調節工作心態，你又比較喜歡哪一種呢？
早前有打工仔在連登討論區以「其實準時收工有咩錯？」發帖，質疑為何準時收工會被視為不勤力。一眾網民紛紛發表意見，認為香港的職場文化根深蒂固，不少老闆及上一輩員工都認為OT才是好員工，OT就是勤力工作；不過，亦有少部分網民認為準時收工的前題是要做好所有工作，不然就是不負責任。
即睇網民留言︰
現今打工仔傾向追求工作與生活平衡，新生代的打工一族亦不願無償OT，為公司犧牲自己的私人時間。要數到最準時收工的員工，非以下這位同事莫屬。有網民於香港討論區發文，指公司有位「均真」同事從一埋位工作就算好下班時間，並放計時器在桌上供同事參考。其他同事如要發問，需要於下班前1小時提出，最後5分鐘便開始收拾行裝；當計時器一響，該同事便會起身走人。未知一眾網民對這位同事的行為又有甚麼看法？
即睇樓主分享：（按圖了解）
延伸閱讀：【職場文化】新人OT係老奉？網民：準時走有咩問題？
延伸閱讀：【職場辛酸】任職Big4打工仔分享真實工時指經常凌晨收工 網民：時薪有冇$100？
最新專訪片︰
【星級斜槓族】Amber鄧卓殷港大建築碩士畢業 身兼KOL、普拉提導師及老闆娘 三線發展互相緊扣成長
