事主：「話說有個老女人，高高在上，經常惡言相向公司啲下屬，令到個個返工都提心吊膽，真係唔好風氣。

我有個同事，男人老狗經常畀佢話，連瞓覺都發惡夢，最後呢個同事仲信咗佛，真係咁就向現實低頭？

我就進取啲，有次發佢爛渣，件事一一攞返出來話到佢無聲出，大快人心。當然我預咗唔撈先玩大佢。因為呢啲人唔爆返佢鑊金嘅，佢只有得寸進尺。

出嚟做捱到精神病無人可憐你兼敗壞風氣，唔值得。」

網民：「無錯！好多人欺善怕惡！成日蝦蝦霸霸！扮晒嘢！以為人會怕咗佢！

我心諗！一件垃圾蛋散有咩好怕！最近好似輸到病咗，報應到，笑死我。」

網民：「工作係為咗唔工作，自己有目標，好多嘢就睇得化。」

網民：「Yup，出嚟挨捱精神病無人可憐你兼敗壞風氣，唔值得。」

網民：「啱啊，打份工啫，放工大把其他追求。」

網民：「大部分普通階層打工仔，賺得1萬幾千至兩萬幾蚊一個月，根本唔需要太多精神集中係工作上。」

網民：「同類人工作還工作，我從來唔畀人亂鬧，老細亂鬧我照鬧返轉頭話之佢，我份糧係用工作交換唔包畀人出氣嘅。」

網民：「香港人係特別衰，唔知啲上司咁緊張做乜嘢，好似間公司係自己咁。」

網民：「做上司就係有人鬧先過癮，頂唔住嘅低層就自己走囉。」

網民：「公司都有好多呢啲人，集體欺凌，集體呃OT，唔埋堆又邊緣化你、唱衰你，等你冇癮辭職走。上級又唔理，前後走咗10幾人了，我都搵緊工隨時走，呢啲人等天收。」

網民：「太惡頂嘅工情願走人好過，做到自己有情緒病就唔抵。」