事主：「開頭傾傾吓發現大家都係做IT，幾好傾。傾咗幾個星期之後，決定交換相，佢畀相先，我未畀。個女仔一畀完相，發現原來係同事嚟。唔怪得大家成日同聲同氣鬧自己個老細，啲嘢好似似曾相識咁啦。而家我都唔知點覆佢，究竟相唔相認好？平時秒回佢，佢Send完張相，我真係唔知畀咩反應佢好。唔回佢，我又驚佢以為我Block咗佢……點樣開口好？成日凝住相認之後會好尷尬。諗緊喺APP度覆，定聽日直接當面同佢講？佢合我眼緣，但我唔想辦公室戀愛……」

網民意見：
網民A：我嘅做法：喂你係咩____（網名），然後畀佢張相佢睇，然後照常傾偈，自信勝於一切。

網民B：試過互follow完IG先知原來係中學同學，好尷尬……

網民C：我係你打死都唔會相認，除非你本身好識Social，同大家好Fd，但如果係毒L真係算。

網民D：成件事都幾浪漫，前提係個女仔都對你有Feel。

網民E：你不如Send呢個Post畀佢睇，好似冇咁尷尬。

網民F：不如樓主你試吓水溫，睇吓現實生活呢位女同事對你嘅觀感。如果只係普通同事冇乜野嘢講，我勸你唔好相認。

網民G：Don't shit where you eat.

網民H：緊係喺APP覆啦，你都要畀Buffer人，諗吓點畀反應你，當面實嚇親同尷尬。

網民I：好有緣，試吓發展。