事主：「我個人比較鍾意簡單所以公司張枱得部電腦、一隻滑鼠、一支筆、一本簿同一隻杯。今日我上司經過我個位問我點解咁空、咁單調，覺得我好似對公司冇咩歸屬感咁……佢指住其他同事嘅枱，我見又風扇仔、又好多櫃桶仔、又養生壺、有啲仲成set咖啡用具放喺度，好warm。佢話感覺上，喺枱加返啲嘢可以提升工作氣氛，佢叫我試吓放一至兩樣自己鍾意嘅嘢喺枱面……我自己就覺得張枱越少嘢就越舒服，單調都可以好有工作氣氛，係睇個人。有冇人好似我咁鍾意簡簡單單？」

網民：「同佢講：我最鍾意公司，所以成個人已經擺喺度，你睇吓滿唔滿意？」
網民：「我都鍾意簡簡單單，越多空間（整潔）越舒服。btw，最近自己考慮增加迷你香薰器。」
網民：「我成日畀同事話我張枱亂，當自己屋企。」
網民：「放個煙灰缸俾佢warm吓。」
網民：「放太多嘢影響工作。」
網民：「關佢乜事？」
網民：「我都鍾意枱面乾乾淨淨，有乜嘢濕碎嘢都放喺櫃桶度。」
網民：「簡單就是美。」
網民：「睇辦公枱可以睇到呢個人，準過看風水，呢個上司唔識嘢。」
網民：「個人已經企喺度，仲要乜嘢？」
網民：「或者咁講，枱面係表現自我嘅機會，只係好多人唔明白。」
網民：「走佬都方便啲，唔使執咁多嘢。」
網民：「我以前擺好多嘢喺枱面，係文件喎，因為我要排單要好多資料，畀啊頭鬧到飛起。」