事主：「公司女同事係神徒，為咗教主，呢位同事經常遲到早退，為嘅係排隊或者買佢嘅周邊，就算坐喺office都係睇緊教主啲嘢。公司知道但又唔理佢、唔鬧佢。你愛教主唔緊要，但唔該唔好影響我哋呀，變相我哋要分擔埋你嘅工作。你收份糧就睇教主，我哋收份糧就係做埋你嗰份。公司又唔理，覺得搞得掂就冇問題，有兩個同事都頂唔順遞咗信，而噚日我都終於有offer，下個月你哋自己搞掂佢啦！老細你哋繼續縱容呢位神徒啦！唔好放佢出嚟害人呀！」

網民：「佢夠膽咁應該係有啲背景，或者老細like佢。咁你哋咪由佢死，做咩要做埋佢啲嘢？」
網民：「咁我又唔明，點解你哋要做埋佢嗰份？堅持唔做囉，咁上司先會覺得有問題，你哋有份縱佢出嚟嘅！」
網民：「既然老闆放任佢追星，咁點解唔係自己追星追埋一份？甚至係搵外快！點解要咁做埋佢個份？攪到自己咁辛苦，然後頂唔順辭職。」
網民：「可能腦細都係鏡教徒呢！」
網民：「打不過就加入，睇嚟原po缺乏咗啲智慧。」
網民：「既然都走啦，呢啲人或老闆咪由得佢，遲吓啲熟手的人走晒。啲營運都有問題時，後知後覺嘅老闆先會正視，但走剩啲新人同追星同事，老闆要放手做返，自己受返。一個唔管人的領導，早走早着！小心去到新地方都係遇到追星族，追星的人無處不在。」
網民：「我公司都有一個，可能佢識得都唔奇！」
網民：「睇唔過眼，一律辭工。」
網民：「大家都搵個星追吓囉！」
網民：「Fans出錯，偶像埋單？」
網民：「老闆係佢粉絲，所以容忍！」
網民：「會唔會其實老細啲親朋戚友 or 本身都係神徒，幫老細追埋一份。」
網民：「你幫佢做你自己都戇居……」